Белгілі блогер Мейіржан Төребаев бостандыққа шықты

Қазақстандық блогер, вайнер Мейіржан Төребаев жазасын өтеп, бостандыққа шығып, үйіне оралды, – деп хабарлайды Aikyn.kz сайты.

Ол бүгін әлеуметтік желідегі парақшасында жақындарымен қауышқан сәттен видеокадрлар жариялады.

«Өз махаббатыңды өзгелерге сезіндіре білу, қарапайым дүниелерден қуаныш табу», – деп жазды ол.

2025 жылдың шілде айында Төребаевпен бірге сотталған вайнер Мейірхан Шерниязов та бостандыққа шыққан еді. Ал өзі 2023 жылдың маусым айында Мейіржан Төребаев пен Мейірхан Шерниязов Қылмыстық кодекстің 217-бабы – «қаржы пирамидасын құру және басқару» бойынша кінәлі деп танылған еді. Екеуі де бес жылға сотталған. Ал аталған іс бойынша өзге қатысушылар 8 жылдан 14 жылға дейін бас бостандығынан айырылған.