Белгілі спортшы Арман Әшімов октагонға оралады

Ол 11 сәуір күні Алматыдағы «Алматы Аренада» өтетін турнир аясында октагонға шығады, – деп хабарлайды Aikyn.kz сайты.

Әшімовтың қарсыласы «Шоутайм» лақап атымен танымал тәжікстандық спортшы Дильшод Норкузиев болмақ.

Ұйымдастырушылардың мәліметінше, қос файтер де жанкүйерлерге тартысты әрі әсерлі айқас сыйлауға ниетті.

«М-1 чемпионы Арман Әшімов оралып, Дильшод “Шоутайммен” тартысты жекпе-жек өткізеді», – деп жазды Nomad Fighting әлеуметтік желідегі парақшасында.

Айта кетейік, қазақстандық спортшы соңғы жекпе-жегін 2024 жылдың 23 наурызында Rizin Fighting Federation турнирінде өткізген. Жапониядағы дебюттік кездесуінде ол тәжірибелі Юсаку Накамураға есе жіберген еді.

Ал Дильшод Норкузиев соңғы рет 2025 жылдың 19 желтоқсанында Octagon League турнирінде өнер көрсетіп, өзбекстандық Аббос Хайдаровты бірінші раундтың 40-секундында нокаутпен жеңген.