Бибісара Үміткерлер турниріне қатысады

Өткен жылдың соңында танымал шахматшы Бибісара Асаубаеваның блицтен Қатар астанасы – Дохада үш дүркін әлем чемпионы атанғаны белгілі. Осы тарихи жеңіс қазақ қызының беделін өсіріп, абыройын арттырды.

Бибісара дәл осындай табысқа жеткен жер-жаһандағы екінші шахматшы ретінде өз есімін спорттық шежіреге алтын әріптермен жазды. Бірінші болып ондай атаққа 2010, 2018, 2019 жылдары кезінде Украина құрамасының сапында ойнап, кейіннен Ресейдің азаматтығын алған Екатерина Лагно қол жеткізді. Б.Асаубаеваға бұл белес 2021, 2022, 2025 жылдары бағынды.

Екіншіден, Бибісара әлемдік рей­тингтегі жағдайын жақсартты. Қазіргі кезде ол классикалық шахматтан 11-орынды иеленіп тұр. Қоржынында 2497 ұпайы бар. Асаубаеваның алдында Ифань Хоу, Цзинер Чжу, Тинцзе Лей, Вэньцзюнь Цзюй (Қытай), Хампи Конеру (Үндістан), Александра Горячкина (Ресей), Чжунъи Тан (Қытай), Анна Музычук (Украина), Екатерина Лагно (Ресей), Полина Шувалова (Ресей) сынды мықтылар бар. Блицтен қандасымыз бірден бес сатыға жоғарылап, бүгінде үздік үштікті түйіндеп тұр. Бибісара тек Хоу Ифань мен Цзюй Вэньцзюньнен қалып келеді.

Үшіншіден, Дохадағы жеңіс оған ФИДЕ-нің «Үміткерлер турнирінде» бақ сынауға мүмкіндік берді. Бұл – еліміздің шахматы тарихындағы теңдессіз оқиға. Себебі, бұрын-соңды бірде-бір жерлесіміз осындай беделі зор, мәртебесі аса жоғары жарыста өнер көрсеткен емес. Ондай бақ Бибісараға бұйырды. 28 наурыз – 16 сәуір аралығында Кипр аралында өтетін додада қазақ қызынан бөлек, қытайлық Цзинер Чжу, Чжунъи Тан, ресейлік Александра Горячкина, Екатерина Лагно, үндістандық Дивья Дешмукх, Хампи Конеру, Вайшали Рамешбабу шеберлік байқасады. Осы бәсекеде жеңіске жеткен ойыншы әлем чемпионы атағына таласу құқығына ие болады. Бұл атақ қазір Қытайдың өкілі Вэньцзюнь Цзюйге тиесілі.

Төртіншіден, осы чемпионаттағы жарқын жеңісінің арқасында Б.Асаубаева материалдық жағдайын да біраз жақсар­тып, бас жүлдені олжалағаны үшін ұйым­дас­тырушылар тарапынан 40 мың еуро (23,8 миллион теңге) шамасында сыйақы алды.

Соңғы жаңалықтар

Қызылордада мал ұрлап, сойып жатқандар ұсталды

Қылмыс • Бүгін, 00:30

«Қайрат» – «Брюгге» матчы: билеттер сатылымы басталды

Спорт • Кеше

Тұман, көктайғақ, жаяу бұрқасын: 9 қаңтарда бірнеше өңірде ескерту жасалды

Ауа райы • Кеше

Спорттық мансабын аяқтаған Бекзад Нұрдәулетов басшылық қызметке тағайындалды

Тағайындау • Кеше

«Ұлттық қор – балаларға»: төлемдер көбіне қандай мақсаттарға жұмсалып жатыр?

Қаржы • Кеше

Ата-енесін өлтірді деп күдікке ілінген күйеу бала туралы тың мәлімет жария болды

Қылмыс • Кеше

Шымкентте жағымсыз иіс қайта сезілді

Шымкент • Кеше

Дубай биыл қолма-қол ақшадан бас тартады

Әлем • Кеше

Ақтауда ер адамды соққыға жықты: қылмыстық іс қозғалды

Қоғам • Кеше

«Оқжетпес» футбол клубына жаңа бапкер тағайындалды

Спорт • Кеше

31 желтоқсан күні ең көп неке қай өңірде тіркелді

Отбасы • Кеше

Талдықорғанның өндіріс көлемі 6,5%-ға өсті

Партия • Кеше

Ұстаздар қолданыстағы заңның түйткілді тұстарын атады

Ғылым • Кеше

Атыраудағы жоғалған отбасының қызы мен баласын сүңгуірлер іздеп, таба алмады

Қоғам • Кеше

Аграрлық колледждердің басшылары оқу орындарына жер беруді сұрап отыр

Партия • Кеше

Барлық жаңалықтар