Бір палаталы модель маңызды бастама

Президенттің ауқымды саяси жаңғыруын еліміздің саясаттанушылары қызу талқылап жатыр. Әсіресе Бір палаталы Парламент туралы бастама көптің көңілін аудартып, пікір алмасуға түрткі болды. 

Бұл модель Парламенттің кәсібилігін арттырып, рөлін күшейтетінін айтады сарапшылар. Президент жанындағы Қазақстанның стратегиялық зерттеулер институтының ғылыми қызметкері Айгүл Забирова реформа екі палаталы жүйенің күрделілігін жеңілдетіп, шешім қабылдау үдерісін жылдамдататынын айтады. Сондай-ақ мемлекеттік басқарудың ашықтығын және тиімділігін қамтамасыз етуге ықпал етеді. Парламенттің жаңа моделі партияаралық бәсекелестікті арттырып, ішкі талқылаулар мен қабылданған заңдардың сапасын арттырмақ.

Цифрландыру мен жаңа технологиялардың енгізілуі заң шығару процесін жеңілдетіп, халықпен қарым-қатынасты жақсартады. Еліміз осы бастаманы жүзеге асыру арқылы халықаралық тәжірибе бойынша басқарудың жаңа моделіне өтеді. Бұл өзгерістер мемлекетіміздің саяси тұрақтылығын нығайтып, ұзақ мерзімді даму стратегиясына үлес қосады деп есептейді.