Биыл 19 мың мас жүргізуші ұсталған

Биыл жыл басынан бері 19 мың мас жүргізуші ұсталған.

11 миллионнан астам жол ережесін бұзу дерегі тіркелді. Бұл туралы бүгін Үкімет сағатында баяндама жасаған Ішкі істер министрі мәлімдеді. Құзырлы орган өкілдері қауіпсіздікті арттыру бойынша цифрлық жүйені енгізу жұмыстары жүйелі жүріп жатқанын жеткізді. Атап айтқанда, автоматтандырылған бейнебақылау камералары, мобильді кешендер, «жасырын» патрульдеу жүйелері қолданылуда. Мәселен, «Қорғау» жүйесінің көмегімен 48,6 мың әкімшілік құқық бұзушылық анықталыпты. Апатты аймақтарды дрондар торуылдап жүр. Бұл құрылғылардың көмегімен 4 мыңнан астам заң бұзушылық тіркелген. Ал жиынға жиналған депутаттар, жол апатына жиі ұшырайтын альфард көлігіне тоқталды. Айтуларынша, оларға арнайы тексеріс жүргізілмейінше, қайғылы жағдайлардың алдын алу қиынға соғады.

Болатбек Нәжметдинұлы, ҚР Парламенті Мәжілісінің депутаты:

- Бізде жолаушыларды тасымалдау ережесі бар. Ол коммерциялық тасымалдау туралы, яғни жүк немесе адамдарға арнарған. Соның аясында көліктерге білгілі бір талаптар қойылған. Бірақ соған қарамастан “альфард” көліктері жол апатына жиі ұшырап жатады. Олар заңсыз жұмыс істейді. Тасымалдаушыларға қауіпсіздік пен жұмыс уақытына байланысты талаптар бар. Мысалы, жүргізушінің 8 сағаттан артық көлік айдауына болмайды. Ал “альфард” жүргізушілері тәулік бойы тоқтаусыз жол жүріп жатыр.   

Ішкі істер министрлігі есірткі қылмысына қарсы күрес те қарқынды екенін айтады. Биыл шекара арқылы елге кірмек болған 26 тоннадан астам есірткінің жолы кесілген. Нәтижесінде 1 тоннадан астам “синтетика” айналымға жіберілмеді. Бұдан бөлек 16 ұйымдасқан қылмыстық топ, 12 есірткі зертханасы мен 93 фитозертхана жойылған. Бұл іске қатысты елде қатаң санкциялар көзделген. Ескірткіні медицинадан басқа мақсатта қолданғандарға әкімшілік жауапкершілік қарастырылған. Осындай 3600-ден астам дерек тіркеліпті. Есірткі сатқандар мен өндірушілерге қарсы қолданалатын жаза өмір бойы бас бостандығынан айыруға дейін күшейтілді.

Бақытжан Әмірханов, ІІМ Есірткі қылмысына қарсы іс-қимыл комитетінің басқарма бастығы:

- Темір тордың арғы жағында отырғандардың 10%-ы есірткі қылмысына қарсы ұсталғандар. Енді есірткі тұтынушылар денсаулық сақтау органдарының статистикасына сәйкес, бүгінгі таңда 17 мыңнан асып жығылады 18  700 нақты айтатын болсақ, 1600-і әйел адам. 45 жасөспірім. Есірткі сатушыларға келетін болсақ 1200-і босап шықты. Оның 51-і бізге волонтер ретінде көмектесіп жатыр.