Былтыр 23 мың мас жүргізуші ұсталды

АЛМАТЫ, 7 қаңтар – Sputnik. 2025 жылы мас кезінде көлік жүргізген 23 мың адам ұсталды, деп хабарлайды Polisia.kz.

Сондай-ақ полиция қызметкерлері 14 миллионнан астам жол қозғалысы ережесін бұзу дерегінің жолын кесті, оның ішінде жылдамдықты арттыру, қауіпсіздік белдігін тақпау және көлік басқару кезінде телефон пайдалану фактілері бар. 2025 жылы республика жолдарында 32 мыңнан астам жол апаты тіркелді.

"Сот шешімімен 28,7 мың құқық бұзушы көлік құралын басқару құқығынан айырылып, 24 мың адам әкімшілік қамауға алынды. Полиция қызметкерлері 41,1 мың жол тексеруін жүргізіп, 90 мың жол кемшілігін анықтады", - деп жазылған хабарламада.

Жол жамылғысын тиісті деңгейде ұстамағаны үшін 7,4 мың лауазымды және заңды тұлға жауапкершілікке тартылды.

Ең тиімді шаралардың бірі – ұзындығы 2 мың шақырымды қамтитын автожолдарда орташа жылдамдықты бақылау жүйесін енгізу болды. Бұл учаскелерде жол апатынан қаза тапқандар саны 12%-ға төмендеді. Қазіргі таңда жүйе 8 бағытта:

Астана – Щучинск,

Астана – Павлодар,

Шымкент – Тараз бағытында жұмыс істеп тұр.

Алдағы уақытта жылдамдықты бақылау жүйесін тағы 10 бағытта енгізу жоспарлануда.

Ішкі істер министрлігі азаматтарды жол қозғалысы ережелерін қатаң сақтауға шақырады, себебі жылдамдықты асыру мен салғырттық жолдағы қайғылы жағдайлардың негізгі себептері болып қала беруде.