“Бұл туралы айту қиын“: Алматының бұрынғы бас сәулетшісі сотта медициналық диагнозы туралы айтты

Алматыда қаланың бұрынғы бас сәулетшісі Алмасхан Ахмеджанов пен басқа да фигуранттарға қатысты қайталанған сот процесі аяқталуға жақын. Бүгін, 14 қазанда, Ахмеджанов сотта соңғы сөзін айтты, деп хабарлайды Tengrinews.kz.

Ахмеджанов соңғы сөзінде не деді?

Бұған дейін Қалалық жоспарлау және урбанистика басқармасының бұрынғы басшысының соңғы сөзі оның денсаулығына байланысты кейінге қалдырылған болатын. 9 қыркүйекте қалған бес сотталушы соңғы сөздерін айтып үлгерді, содан кейін сот Ахмеджановтың сөйлеуін күтті.

Бүгін, 14 қазанда, Ахмеджанов соңғы сөзінде тағылған айыпты мойындамайтынын және тергеу оған өзінде болмаған өкілеттіктерді таңып отыр деп санайтынын мәлімдеді.

Атап айтқанда, ол жер учаскелерінің құрылысына қатысты эпизодтар бойынша айыптаумен келіспеді. Оның айтуынша, шешімдер Бас жоспар мен егжей-тегжейлі жоспарлау жобасы (ЕЖЖ) негізінде қабылданған, ал жер беру және оның құны туралы мәселелерді басқа лауазымды тұлғалар шешкен.

Сондай-ақ Ахмеджанов кәсіпкерлерге жер учаскелерін алуға көмектесті деген айыппен де келіспеді.

"Мені мен кәсіпкерлер арасындағы байланыс құжат жүзінде де, іс жүзінде де анықталған жоқ. Учаскелердің Бас жоспарға сәйкес игерілгенін де ешкім жоққа шығармайды. Ал шоттардың ұсынылуы менің келісімімнің заңды болғанын растайды", – деді Ахмеджанов.

Сонымен қатар ол өз қызметтік өкілеттігін басқа тұлғалардың пайдасы үшін пайдаланғанын жоққа шығарды. Бұл айыптау нұсқасы бойынша оның туыстары жеңілдетілген шарттармен алған жылжымайтын мүлік эпизодтарына да қатысты.

"Жүрегімнің қанша уақыт жұмыс істейтінін білмеймін": Ахмеджанов денсаулығы туралы айтты

Сөзінің соңында Ахмеджанов күтпеген жерден денсаулық жағдайы туралы айта бастады. Оның сөзінше, жақында ол ауруханада жатып, күрделі диагноз алған.

"Менің жүрегім тоқтап қалу қаупі бар. Бұл туралы айту маған қиын, бірақ жүректі алмастыру мәселесі тұр, өйткені жүрегімнің қанша уақыт шыдайтынын білмеймін. Бір жарым айдың ішінде тағы бір отадан өтуім керек. Егер бұл көмектеспесе, донорлық кезегіне тұруға тура келеді", – деді Ахмеджанов.

Осыдан кейін ол судья Бақытжан Бәкірбаевтан заңға сәйкес шешім қабылдауды сұрап, сотты өзінің "соңғы үміті" деп атады.

Судья Бақытжан Бәкірбаев / Фото: Tengrinews.kz / Ақбота Сіләм

Іс фигуранттарына қазір қандай айыптар тағылып отыр?

Сотталушыларға Қылмыстық кодекстің бірқатар бабы бойынша айып тағылды:

Алмасхан Ахмеджановқа (қалалық жоспарлау және урбанистика басқармасының экс-басшысы) үш бап бойынша айып тағылған:

190-баптың 4-бөлігі 2-тармағы 28-баптың 5-бөлігі арқылы – "Аса ірі мөлшердегі алаяқтыққа жәрдемдесу"; 361-баптың 1-бөлігі – "Лауазымдық өкілеттіктерді теріс пайдалану"; 361-баптың 4-бөлігі 3-тармағы – "Ауыр зардаптарға әкеп соққан лауазымдық өкілеттіктерді теріс пайдалану".

Ардақ Самамбетов (жер қатынастары басқармасының экс-басшысы) келесі баптар бойынша:

190-баптың 4-бөлігі 2-тармағы 28-баптың 5-бөлігі арқылы – "Аса ірі мөлшердегі алаяқтыққа жәрдемдесу"; 361-баптың 4-бөлігі 3-тармағы – "Ауыр зардаптарға әкеп соққан лауазымдық өкілеттіктерді теріс пайдалану".

Ерлан Жармұханбетовке (жерге орналастыру бөлімінің бұрынғы басшысы) мына баптар бойынша айып тағылды:

361-баптың 4-бөлігі 3-тармағы 28-баптың 5-бөлігі арқылы – "Лауазымдық өкілеттіктерді теріс пайдалануға жәрдемдесу"; 190-баптың 4-бөлігі 2-тармағы 24-баптың 3-бөлігі арқылы – "Аса ірі мөлшерде алаяқтық жасауға оқталу"; 190-баптың 4-бөлігі 2-тармағы – "Аса ірі мөлшердегі алаяқтық"; 361-баптың 4-бөлігі 3-тармағы – "Ауыр зардаптарға әкеп соққан лауазымдық өкілеттіктерді теріс пайдалану"; 366-баптың 4-бөлігі 24-баптың 3-бөлігі арқылы – "Аса ірі мөлшерде пара алуға оқталу".

Алмасхан Бәкіров (бағалау компаниясының директоры) келесі баптар бойынша:

190-баптың 4-бөлігі 2-тармағы 24-баптың 3-бөлігі арқылы – "Аса ірі мөлшерде алаяқтық жасауға оқталу"; 190-баптың 4-бөлігі 2-тармағы – "Аса ірі мөлшердегі алаяқтық"; 361-баптың 4-бөлігі 3-тармағы 28-баптың 5-бөлігі арқылы – "Лауазымдық өкілеттіктерді теріс пайдалануға жәрдемдесу"; 366-баптың 4-бөлігі 24-баптың 3-бөлігі және 28-баптың 5-бөлігі арқылы – "Аса ірі мөлшерде пара алуға оқталуға жәрдемдесу".

Мұханбетәлі Шалқарбеков пен және Берік Үскембаевқа бір бап бойынша айып тағылған:

190-баптың 4-бөлігіның 2-тармағы – "Аса ірі мөлшердегі алаяқтық".

Алматының бұрынғы бас сәулетшісіне бұған дейін қандай айып тағылды?

Бірінші үкім неге жойылды?

2026 жылғы 25 ақпанда апелляциялық алқа бірінші сатыдағы соттың 2025 жылғы 17 ақпандағы үкімінің күшін жойды. Бұған сот тергеуінің толық болмауы және процессуалдық заңбұзушылықтар себеп болды.

Сондай-ақ алқа бірінші сатыдағы соттың Алматы әкімінің атына сотталғандардан 6 миллиард 404 миллион теңгеден аса соманы өндіру туралы азаматтық талап арыз қозғау жөніндегі жеке қаулысының күшін жойды.

Бірінші сатыдағы соттың үкімі қандай болды?

2025 жылғы 17 ақпанда Алматының қылмыстық істер жөніндегі мамандандырылған ауданаралық соты іс бойынша алты қатысушыны жер махинацияларына кінәлі деп тапты.

Сотталғандарға келесідей жазалар тағайындалды:

Алмасхан Ахмеджанов 11 жылға бас бостандығынан айырылды. Жер қатынастары басқармасының экс-басшысы Ардақ Самамбетов – 10 жылға сотталды. Жерге орналастыру бөлімінің бұрынғы басшысы Ерлан Жармұханбетов – 14 жылға бас бостандығынан айырылды. "BAB Assessment" компаниясының бағалаушысы Алмазхан Бәкіров – 8 жылға сотталды. Берік Өскембаев және Мұханбетәлі Шалқарбеков алаяқтық жасағаны үшін кінәлі деп танылып, әрқайсы бес жылға шартты түрде сотталды.

Бізді Google-дың негізгі дереккөздер тізіміне қосыңыз

Қосу