БҰҰ: Денсаулық сақтауға инвестиция салынбаса, бұдан да жойқын пандемияға тап боламыз

Халықаралық қауымдастық тарапынан тиісті назар аударылмаса, болашақтағы індеттер ауқымы мен ауырлығы жағынан бұрынғы індеттерден де асып түсуі мүмкін, деп хабарлайды Egemen.kz.

COVID-19 пандемиясы жұқпалы аурулар мен эпидемиялардың адамдардың өміріне және әлеуметтік-экономикалық дамуға, әсіресе ең кедей әрі ең осал елдерде, қандай апатты салдар әкелуі мүмкін екенін айқын көрсетті. Бұл туралы Біріккен Ұлттар Ұйымы 27 желтоқсанда атап өтілетін Халықаралық эпидемияларға дайындық күніне орай еске салды.

Эпидемиялар мен пандемиялар ұлттық денсаулық сақтау жүйелеріне шамадан тыс жүктеме түсіреді, жаһандық жеткізу тізбектерін бұзады және халықтың осал топтарына, соның ішінде әйелдер мен балаларға қатты әсер етеді.

Халықаралық қауымдастық тарапынан жеткілікті көңіл бөлінбеген жағдайда, болашақ эпидемиялар ауқымы мен ауырлығы жағынан алдыңғы індеттерден де асып түсуі мүмкін. Осыған байланысты ақпараттандыруды арттыруға, ғылым, білім мен озық тәжірибе алмасуға, сондай-ақ жергілікті, ұлттық, өңірлік және жаһандық деңгейлерде білім беру және ағартушылық бағдарламаларды дамытуға ерекше мән беріледі.

БҰҰ сондай-ақ эпидемиялардың алдын алу шараларын күшейтудің және кез келген болашақ қауіптерге жедел әрі тиімді жауап беруге дайындықты арттырудың маңыздылығын атап өтті. Бұл тұрғыда адам, жануар және өсімдік денсаулығын қорғау салалары, сондай-ақ қоршаған ортаны қорғау және басқа да тиісті құрылымдар арасындағы ынтымақтастықты нығайтатын Біртұтас денсаулық кешенді тәсілі маңызды рөл атқарады.

– Біздің ең мықты қорғанысымыз – тек ғылым ғана емес, сонымен қатар мықты жергілікті денсаулық сақтау жүйелері, барлық қажетті құралдармен қамтамасыз етілген, алдыңғы шепте тұрған медицина қызметкерлері және дағдарыс кезінде өз қауымдарын бастап жүре алатын жергілікті көшбасшылар, – деп атап өтті БҰҰ Бас хатшысы Антониу Гутерриш үндеуінде.

Эпидемияларға қарсы жаһандық әрекеттерді үйлестіруде Біріккен Ұлттар Ұйымы жүйесі, әсіресе Дүниежүзілік денсаулық сақтау ұйымы, негізгі рөл атқаруын жалғастырып келеді.

Бас хатшы эпидемиялар мен пандемиялар қаупі артып, гуманитарлық дағдарыстар көбейіп жатқанын еске сала отырып, «әрекетті кейінге қалдыруға болмайтынын» айтты. Осыған байланысты елдер Дүниежүзілік денсаулық сақтау ұйымымен бірлесіп Пандемияларға қарсы күрес жөніндегі келісімді әзірледі. Оның мақсаты – вакциналарға, емдеуге, жабдықтарға, ақпаратқа және медициналық көмекке бүкіл әлем бойынша тең қолжетімділікті қамтамасыз ету.

– Қауымдастықтар қорғалған кезде, бәріміз қорғаламыз, – деп түйіндеді БҰҰ басшысы.

Соңғы жаңалықтар

Ұлттық киноның ұстыны: 2025 жылғы жетістіктер мен жаңа мүмкіндіктер

Кино • Бүгін, 15:10

АҚШ-та қарлы боран салдарынан 8 мыңнан астам әуе рейсі кешіктірілді

Әлем • Бүгін, 15:00

2026 жылы міндетті мүлік сақтандыруы енгізіле ме?

Қоғам • Бүгін, 14:45

Елена Рыбакина Олимпиада чемпионын жеңді

Спорт • Бүгін, 14:30

Өңірлер – өсімнің тірегі. Қазақстандық даму моделінде не өзгеріп жатыр?

Сұхбат • Бүгін, 14:21

Футзалдан Қазақстан кубогінде тосын нәтиже тіркелді

Спорт • Бүгін, 14:10

Түркістан облысында жол бойындағы дәмхана өртеніп кетті

Төтенше жағдай • Бүгін, 13:55

Корея сарапшысы: Қазақстан Орталық Азияның цифрлық орталығына айнала алады

Сұхбат • Бүгін, 13:47

Ақтауда көктайғақ салдарынан автобустар қозғалысы уақытша тоқтатылды

Аймақтар • Бүгін, 13:15

АҚШ Нигериядағы террористерге қарсы әуе соққысын жасады

Әлем • Бүгін, 12:55

Жалғас Жұмағұлов бүгін Чехияда Oktagon чемпионы атағын қорғайды

Спорт • Бүгін, 12:40

Ақтөбеліктер енді жедел жәрдемнің қозғалысын Яндекс Go қосымшасынан көре алады

Медицина • Бүгін, 12:20

Украина бойынша бейбіт келісім: Зеленский Трамппен Флоридада кездеседі

Әлем • Бүгін, 12:05

28 желтоқсандағы доллар бағамы белгілі болды

Қаржы • Бүгін, 11:50

Қостанай облысында өрттен 5 жастағы бала көз жұмды

Төтенше жағдай • Бүгін, 11:30

Барлық жаңалықтар