Былтыр Астанада қанша шетелдік ем алды?

Ресей, Қырғызстан, Тәжікстан, Әзербайжан мен Швейцария дәрігерлері, медициналық бизнес өкілдері мен инфлюенсерлер елорданың медициналық туризм әлеуетімен танысты. 27-29 сәуір күндері қалалық әкімдік пен «AstanaTourism» туризмді дамыту орталығы ұйымдастырған халықаралық ақпараттық турға сондай-ақ салалық сарапшылар қатысты, деп жазады Egemen.kz.

Үш күндік бағдарлама барысында қатысушылар Астана қаласындағы 11 жетекші медициналық ұйымды аралады. Олардың қатарында жоғарытехнологиялы ұлттық орталықтармен бірге заманауижеке клиникалар да бар. Атап айтқанда, UMC Жүрек орталығы, Ұлттық балаларды оңалту орталығы, Ұлттық нейрохирургия орталығы, Ұлттық ғылыми онкология орталығы, ҚР Президенті Іс басқармасы Медициналық орталығының ауруханасы, сондай-ақ «Green Clinic», «PRIME Green Clinic» және «AlandaClinic» көпсалалы медициналық орталықтары таныстырылды.

«Бағдарламаның негізгі мақсаты – елорданың медициналық туризмдегі әлеуетін таныстыру. Қонақтарға клиникалардың материалдық-техникалық базасы, қызмет көрсету деңгейі, дәрігерлердің кәсіби біліктілігі және шетелдік пациенттермен жұмыс істеу тәжірибесі көрсетілді», деді «Astana Tourism» туризмді дамыту орталығының Медициналық туризм департаментінің директоры Базарбек Қамысбаев.

Сонымен қатар, «Tulip Medicine» пластикалық хирургия клиникасы, «Astana Vision» көз клиникалар желісі және «Ecomed» репродуктивтік медицина орталығы секілді бейінді медициналық қызмет көрсететін мекемелер де назардан тыс қалмады. Қатысушылар диагностикадан бастап күрделі операцияларға дейінгі медициналық қызметтің толық спектрін көруге мүмкіндік алды.

Бұған қоса, іс-шара аясында B2B форматындағы кездесулер ұйымдастырылып, медициналық ұйымдар мен шетелдік серіктестер арасында келіссөздер жүргізілген. Б.Қамысбаевтың айтуынша,келіссөздерден соң бірқатар агенттікпен келісімдерге қол қойылған. Бұл құжаттар шетелдік пациенттерді тарту жұмыстарын жүйелеп, оларды емдеудің барлық кезеңінде сүйемелдеуге мүмкіндік бермек.

Саладағы статистикаға сүйенсек, 2024 жылы Астанаға шамамен 4,5 мың медициналық турист келген болса, 2025 жылы келушілер саны 6100 пациенттен асқан. Шетелдік пациенттер арасында әсіресе кардиохирургия мен нейрохирургия қызметтеріне сұраныс жоғары. Сонымен қатар, стоматология, ортопедия, репродуктивтік медицина мен қысқа уақыт ішінде толық тексеруден өтуге мүмкіндік беретін check-up бағдарламалары да сұранысқа ие.

Ұйымдастырушылардың айтуынша, ақпараттық тур тек медицинамен шектелмей, қаланың туристік мүмкіндіктерін де қамтыған. Қонақтар үшін арнайы экскурсиялар ұйымдастырылып, олар Астананың заманауи келбетімен, мәдениетімен және жайлы инфрақұрылымымен танысты. Бұл медициналық туризмнің бүгінгі күні кешенді туристік өнімформатына айналып келе жатқанын көрсетеді.

Медициналық туризмнің дамуы қалаэкономикасына да оң әсерін тигізіп жатыр. Мәселен, қазір клиникаларға жүктеме артып, қызмет көрсетусаласы жанданып, қонақүй бизнесі мен көлік, экскурсия қызметтеріне сұраныс көбейіп отыр. Бұл бір жағынан жоғары сапа мен қолжетімді бағаныңүйлесімін көрсетеді.

«Астанадағы клиникалардың материалдық-техникалық базасы мен дәрігерлердің кәсіби деңгейі жоғары екеніне көз жеткіздік. Әсіресе, жоғары технологиялы операциялар мен пациентке көрсетілетін қызмет сапасы көңілден шықты. ПЭТ/КТ, гамма-пышақ, протондық терапия секілді озық технологиялар қолжетімді, бұл үлкен артықшылық. Мұнда шетелдік пациенттер үшін барлық жағдай жасалған. Болашақта әріптестік орнатып, науқастарды осы жерге бағыттамақ жоспарымыз бар», деді Тәжікстаннан келген хирург, флебологмаман Баходур Кобилбеков.

Жалпы, өткізілген ақпараттық тур еліміздіңмедициналық туризм нарығындағы орнын нығайтуға бағытталған. Мұндай бастамалар халықаралық әріптестікті кеңейтіп, елдің беделін арттыруға ықпал етеді.

Соңғы жаңалықтар

Тарихи оқиға: Байқоңырдан «Союз-5/Сұңқар» перспективті зымыран-тасығышы сәтті ұшырылды

Оқиға • Бүгін, 12:21

Қазақстанда қанша ұлт өкілі тұрады?

Қоғам • Бүгін, 11:54

Футболдан әлем чемпионаты: Иран құрамасына қатысты нақты шешім жарияланды

Футбол • Бүгін, 11:15

Мамыр айында ел тұрғындары неше күн демалады?

Қоғам • Бүгін, 10:55

Астанада LRT пойызының қозғалысы уақытша тоқтатылды

Елорда • Бүгін, 10:26

32 градусқа дейін ыстық: Бүгін ел аумағында ауа райы қандай болады?

Ауа райы • Бүгін, 09:45

Бүгін доллар қанша теңгеден саудаланып жатыр?

Қаржы • Бүгін, 09:23

Президент Қазақстан халқын Бірлік күнімен құттықтады

Президент • Бүгін, 09:02

1 мамырда Қазақстанда ауа райы күрт құбылады

Ауа райы • Кеше

Алматыда Қазақстандағы алғашқы крематорий ашылды

Қоғам • Кеше

Енді медицина түлектеріне резидентураны өтпей-ақ жұмыс істеуіне рұқсат беріледі

Қоғам • Кеше

Жеңіс туын тіккен күн: Рақымжан Қошқарбаевтың ерлігіне тағзым жасалды

Өшпес даңқ • Кеше

Аумағы миллион гектардан асатын «Арал орманы» резерваты құрылады

Экология • Кеше

Шетелдік инвестордың құқығы қорғалды: 3,5 млрд теңге толық өтелді

Оқиға • Кеше

Бағалы қағаздар нарығы: Қазақстанда бастапқы дилерлер институты енгізіледі

Қаржы • Кеше

Барлық жаңалықтар