80 мың шетелдік Қазақстанда ем алды

Қазақстан медициналық туризмнің даму қарқыны бойынша ТМД елдері арасында көш бастады. Елге жыл басынан бері 80 мың шетелдік ем алуға келген. 

Медицицналық қызметке жүгінетіндердің көбі - көрші мемлекеттердің азаматтары. Дегенмен арасында мұхиттың ар жағынан келетіндер де бар. Мәселен осындай туристердің шамамен 10%-ы АҚШ пен Еуропа елдерінен келеді. Қазақстандағы репродуктивті және эстетикалық медицина, стоматология қызметтері үлкен сұранысқа ие. 

Ақмарал Әлназарова, ҚР Денсаулық сақтау министрі:

- 2021 жылдан бері елімізге келетін туристер ағымы бес есе артты. Соның ішінде медициналық туризм бағыты да айтарлықтай өсім көрсетуде. Бұл ретте медициналық туризм саласында әлемдік көшбасшылар болып саналатын бірқатар мемлекетен келушілер саны күрт ұлғайды. Қытайдан келушілер легі 24 есеге, Үндістаннан 40 есеге артты. Басты бәсекелес әрі тәжірибе үлгісі саналатын Түркиядан келушілер саны үш есе өсті. Сондай-ақ медициналық туристер Еуропа, Америка, Шығыс және Орталық Азия елдерінен, жақын және алыс шетелден келуде.