Дәріханаларда дәрі бағасы қанша пайызға арзандады?

Денсаулық сақтау министрлігі бүкіл ел бойынша дәріхана желісіндегі бағаның төмендеу динамикасын бақылайды. Объективті бағалау үшін Медициналық және фармацевтикалық бақылау комитетінің аумақтық департаменттері ең сұранысқа ие 70 препараттың құнын талдаған, - деп хабарлайды Aikyn.kz.

Тізімге қабынуға қарсы дәрі-дәрмектер, антибиотиктер, жүрек-қан тамырлары препараттары, сондай-ақ асқазан-ішек жолдарының ауруларын емдеуге арналған заттар кірді.

Реттеудің жаңа тәртібі енгізілгенге дейінгі және соңғы екі айдағы бағаларды салыстыру кезінде препараттар құнының төмендеуі орта есеппен 12%-ды құрады.

Бұл бағаны реттеу шаралары қазірдің өзінде айтарлықтай нәтиже беретінін білдіреді:

 дәрі-дәрмектер қол жетімді болады;

 баға үстемелері теңестіріледі;

 дәріхана желілері белгіленген қағидаларды ұстанады.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.