Давосқа ұшып шыққан​ Трамптың ұшағы АҚШ қа қайта оралды

АҚШ президенті Дональд Трамп мінген ұшақ Швейцариядағы Давосқа бағыт алған еді, бірақ экипаж электр жүйесіндегі ақауға байланысты АҚШ-қа қайта оралуды ұйғарды. Бұл туралы Фонтанка Reuters-ке сілтеме жасап хабарлады.

Ақ үйдің мәліметінше, аса сақтық шарасы ретінде ұшақ кері бұрылып, Эндрюс әскери базасына қонды. Сол жерде Трамп басқа ұшаққа ауысып, Швейцарияға жол тартпақ.

Бұған дейін журналистермен сөйлескенде, Трамп өзінің Давосқа сапары табысты әрі қызықты болатынын айтқан.

«Бұл қызықты сапар болады. Не болатынын мүлде білмеймін», — деп келтіреді оның сөзін РИА Новости.

Әлемдік экономикалық форум Давоста 19–23 қаңтар аралығында өтуде. Трамп 21 қаңтар күні сөз сөйлеп, мемлекет басшыларының кездесуіне қатысады. Сол күні кешке бизнесмендермен жүздеседі. Ал 22 қаңтарда ол Газадағы жағдайды реттеу үшін «Бейбітшілік кеңесінің» жарғысын жариялап, кейін Вашингтонға оралады.

Бүгін, 12:43