Дендропарк Атырауды шаңды дауылдан қорғай ала ма?

Атырауда дендропарк құру жобасы мемлекеттік-жекеменшік әріптестік (МЖӘ) шеңберінде жүзеге асырылатыны белгілі болды.

Атырауда ағаш-бұта саябағын салу жоспарын жергілікті билік алғаш рет өткен жылы жариялап, Жайық өзенінің екі жағалауынан екі жер учаскесі бөлінетінін мәлімдеген болатын. Олардың бірі, аумағы алты гектар, Геолог ықшамауданында орналасқан, ал екінші учаскенің 20 гектары Атырау-2 ықшамауданында орналасқан.

Облыстық табиғи ресурстар және табиғатты пайдалануды реттеу басқармасы хабарлағандай, бүгінгі күні Алматының Ботаника және фитоинтродукция институтының мамандары демеушілік қаражаты есебінен ғылыми негіздеме дайындады. Техникалық-экономикалық негіздемені және жобалау-сметалық құжаттаманы әзірлеуге арналған конкурстық рәсімдер басталды, оны МЖӘ шеңберінде орындау жоспарланып отыр.

Дендропарк өңірдегі алғашқы мамандандырылған табиғат қорғау, ғылыми және мәдени-білім беру аумағына айналады деп болжануда. Жобаны іске асыру қаланың экологиялық мәселелерін (шаңды дауылдар, жасыл аймақтардың тапшылығы), жасыл желектердің аумағын ұлғайтуға, флора мен фаунаның биологиялық әртүрлілігін сақтау үшін өзен бойында "жасыл дәліз" қалыптастыруға, сондай-ақ өңірдің туристер үшін тартымды болуына ықпал етеді.

Бұған дейін хабарланғандай дендропаркте климатрон, серуендеу, демалыс аймақтары, экзотикалық және тропикалық өсімдіктердің учаскелері, экологиялық білім беруге арналған алаңдар және т.б. жасау жоспарланып отыр. Болашақта дендропарк зерттеулер, өсімдіктердің сирек кездесетін түрлерін көбейту және ботаникалық зерттеулер үшін базаға айналуы мүмкін.

Лев ГУЗИКОВ

Бүгін, 11:22