Денсаулық сақтау министрлігі Kinder өнімдері жайлы тараған ақпаратқа түсініктеме берді

Комитеттің хабарлауынша, әлеуметтік желілерде Kinder өнімдерінің құрамында қауіпті заттар бар деген ақпарат таралуда.

"Аталған мәліметтер ескірген және 2016 жылға қатысты. Бұл мәселе бойынша сол кезеңде Еуразиялық экономикалық одақтың құзырлы органдары тиісті тексерулер жүргізген, алайда қандай да бір заңбұзушылықтар анықталған жоқ. Қазіргі таңда тұрғындардан шағымдар мен өтініштер тіркелмеген. Азаматтарды тек ресми әрі тексерілген ақпарат көздеріне сенуге шақырамыз", – деп мәлімдеді ҚР ДСМ Санитариялық-эпидемиологиялық бақылау комитетінің баспасөз қызметі.

Бұған дейін Денсаулық сақтау министрлігі балаларға паллиативтік медициналық көмек көрсету стандарты бекітілгенін хабарлаған болатын.