Достықты дәріптеген мюзикл

«Astana Musical» мемлекеттік театрының репертуарындағы үздік қойылымдардың бірі – «Достар серті» мюзиклі көрермен тарапынан жоғары бағаланып келеді. Бүгінге дейін бұл музыкалық қойылымды 1200-ден аса көрермен тамашалады. Оның дәлелі кезекті көрсетілімде.

«Astana Musical» мемлекеттік мюзикл театрының көркемдік жетекшісі Есләм Нұртазиннің режиссерлік сараптауында қойылған спектакльдің басты ерекшелігі – ұлттық музыка мен әлемдік ән мәдениетінің бір сахнада тоғысуы. Қойылымда қазақ эстрадасының алтын қорына енген Шәмші Қалдаяқов пен Ескендір Хасанғалиевтің әндері, аңызға айналған «Дос-Мұқасан» ансамблінің шығармалары, сондай-ақ ХХ ғасыр музыкасына тың серпін әкелген «The Beatles» тобының танымал композициялары орындалды. Айтулы әндер қойылымның драматургиялық желісін байытып, көрерменге ерекше эмоциялық әсер сыйлады.

Либретто авторы – Қазақстанның еңбек сіңірген қайраткері Бақыт Қайыр­беков, аудармашы, драматург – Әннас Бағдат. Ал спектакльдің музы­касын жазған – танымал дирижер, Қазақстанның еңбек сіңірген қайраткері Артур Оренбургский.

«Достар серті» мюзиклі еліміздің әр өңірінен келген төрт жас жігіттің өнер жолындағы тағдырын арқау етеді. Консерваторияға оқуға түсу үшін үлкен қалаға жиналған жас талапкерлерді ортақ арман мен музыкаға деген сүйіс­пеншілік біріктіреді. Қойылымда олардың арасындағы шынайы достық, өмірлік таңдау, кәсіби бәсеке мен адамгершілік құндылықтар сахналық тілмен әсерлі жеткізді. Авторлар арқылы достыққа адалдық, бір-біріне сенім артудың маңызы айқын көр­сетілді. 2016 жылдың 16 қазанында өткен премьерасынан бері қойылым театр сахнасынан түспей, тұрақты көрерменін қалыптастырды.

Спектакльдің сахналық безендірілуі мен хореографиялық шешімдері де көрермен назарын аудармай қой­май­ды. Заманауи сценография, жанды оркестрдің сүйемелдеуі және актерлердің кәсіби ойыны қойылым­ның көркемдік деңгейін арттыра түсті. Әсіресе жастарға арналған тәрбиелік мәні зор туынды ретінде «Достар серті» бүгінгі күннің өзекті мәселелерімен үндесіп жатыр.

Театр ұжымы мюзиклдің көрер­менге рухани серпіліс беріп, өнерге деген қызығушылықты арттыруға бағытталғанын атап өтті. Ал қойы­лымды тамашалаған көпшілік қауым «Достар сертін» тек музыкалық қойы­лым ғана емес, рухани әсер сыйлайтын, ой салатын спектакль ретінде қабылдады. Әрбір ән мен сахналық кө­рініс залдағы көрерменді бейжай қал­дырмай, шынайы эмоцияға бөледі.

Айта кету керек, мюзикл жыл бойы «Astana Musical» театрының сахнасында тұрақты түрде қойылады. Өнерсүйер қауым үшін бұл – достықтың қадірін, өнердің құдіретін сезінуге таптырмас мүмкіндік. «Достар серті» мюзиклі әлі талай көрерменнің жүрегінен орын алып, қазақ музыкалық театрының жарқын жетістіктерінің біріне айналары сөзсіз.

Соңғы жаңалықтар

«Соңғы көштің» шынайы кейіпкері

Тағзым • Бүгін, 08:48

Қазақ кітаптары – Үндістанда

Руханият • Бүгін, 08:45

Оралхан арманы орындалып келеді

Руханият • Бүгін, 08:43

Жеке мектеп мемлекет меншігіне берілді

Аймақтар • Бүгін, 08:40

Желіде жарысқан мұғалімдер

Білім • Бүгін, 08:37

Жәрдемақы мөлшері артты

Қоғам • Бүгін, 08:35

Сан бар, сапа қандай?

Білім • Бүгін, 08:33

Қарттарға жан-жақты қамқорлық

Қоғам • Бүгін, 08:30

Білім ошағы ашылды

Білім • Бүгін, 08:28

Еңбек нарығының ерекше буыны: Өзін-өзі жұмыспен қамту заман талабы ма, әлде амалсыздық па?

Қоғам • Бүгін, 08:25

Дана БӨКЕНОВА: «Bloomberg»-тегі жұмысым кәсіби деңгейімді көтерді

Сұхбат • Бүгін, 08:23

Ұлттық құрылтай – қоғам трансформациясының арқауы

Құрылтай • Бүгін, 08:20

Өркендеудің қозғаушы күші

Жастар • Бүгін, 08:17

Ашық ой, айқын ұстаным

Пікір • Бүгін, 08:15

Музыка тарихындағы іргелі бастама

Өнер • Бүгін, 08:13

Барлық жаңалықтар