Досымды құттықтағым келді : Шымкентте тұрғын көлік терезесінен отшашу атқан

АСТАНА, 16 наурыз – Sputnik. Шымкенттегі орталық көшелердің бірінде ер адам көлік терезесінен отшашу атқан, деп хабарлайды қалалық полиция департаменті.

Шымкентте полиция қызметкерлері түнде жолда қауіпті "ойын-сауық" ұйымдастырған ер адамды анықтап, жауапқа тартты.

"Lexus GS көлігінің жолаушысы көлік жүргізу кезінде терезеден шығып, Қонаев даңғылының дәл жолында отшашулар атқан. Бұл адамдарға қауіп төндіріп, тұрғындардың түнгі қоғамдық тәртібі мен тыныштығын бұзды", - дейді полиция.

Жігіттің айтуынша, ол досын туған күнімен осылай құттықтамақ болыпты.

Оған қатысты бірден бірнеше факті бойынша әкімшілік хаттама толтырылды: ұсақ бұзақылық, елді мекенде пиротехникалық бұйымдарды пайдалану, тыныштықты бұзу және жол қозғалысы ережелерін сақтамау.

Құқық бұзушы әкімшілік қамауға алынды.