Душанбе Invest 2025 тің бірінші күнінде ақ Тәжікстанға 3 миллиард доллар инвестиция тартылды

Тәжікстанның Инвестициялар және мемлекеттік мүлікті басқару жөніндегі мемлекеттік комитетінің хабарлауынша, қол қойылған құжаттар энергетика, өнеркәсіп және коммуникацияларды қоса алғанда, стратегиялық маңызды салалардағы бірқатар ірі жобаны қамтыды.

Энергетикалық келісімдер 2,4 миллиард доллар болды, бұл елдің жаңартылатын және дәстүрлі энергия көздеріндегі жоғары әлеуетін растайды.

Өнеркәсіп саласында 386 миллион долларға тоғыз келісімге қол қойылды. Байланыс келісімшарттары 333,5 миллион доллар болды. Сондай-ақ мемлекет пен жеке сектор арасындағы ынтымақтастықтың нығаюын көрсететін 8,9 миллион долларға төрт мемлекеттік-жекеменшік әріптестік келісіміне қол қойылды.

Сонымен қатар, Экономика, сауда және мәдени мәселелер бойынша бірлескен үкіметаралық комиссияның 5-ші отырысында Сауд Арабиясымен екі меморандумға қол қойылды. 

Айта кетелік Қазақстан Тәжікстаннан электр энергиясын импорттамақ.