Е.Көшербаев Бішкекте заңсыз көші қон мен экстремизмге қарсы күш біріктіруді ұсынды

Сыртқы істер министрі Ермек Көшербаев, Қауіпсіздік Кеңесінің Хатшысы Ғизат Нұрдәулетов және Қорғаныс министрі Дәурен Қосанов кеше Бішкек қаласында өткен Ұжымдық қауіпсіздік туралы шарт ұйымы (ҰҚШҰ) Сыртқы істер министрлері кеңесінің, Қорғаныс министрлері кеңесінің және Қауіпсіздік кеңестерінің хатшылары комитетінің бірлескен отырысына қатысты, деп хабарлайды Egemen.kz.

Жиын барысында қатысушылар халықаралық және өңірлік қауіпсіздіктің өзекті мәселелері бойынша жан-жақты пікір алмасты. Сондай-ақ ҰҚШҰ-ның 2025 жылғы қызметінің қорытындылары, сондай-ақ Ұйымның 2026 жылғы жұмысының перспективалық бағыттары талқыланды.

Кеңес отырысында баяндама жасаған Е.Көшербаев ұйымға мүше елдермен күш біріктіру арқылы заңсыз көші-қон, есірткі тасымалы, лаңкестік пен экстремизмнің алдын алу бағытындағы еліміздің ұстанымдарын жеткізді. Сонымен бірге, министр Ұйымды одан әрі дамыту бойынша бірқатар ұсыныстарын ортаға салып,  өңірдегі қауіпсіздікті қамтамасыз етуде Алматыда ашылған  БҰҰ-ның Орталық Азия мен Ауғанстанға арналған орнықты даму мақсаттары жөніндегі өңірлік орталығының әлеуетін атап өтті.