Мектеп және жеңілдікті көлік карталарын енді Tarlan Astana станцияларында рәсімдеуге болады

17 қазаннан бастап автобустар мен жеңіл рельсті көлікте жол ақысын төлеуге арналған атаулы мектеп және жеңілдік көлік карталарын Tarlan Astana бекеттерінде рәсімдеуге болады, деп хабарлайды Tengrinews.kz City Transportation Systems компаниясына сілтеме жасап.

Осылайша, көлік карталарын рәсімдеу бойынша арнайы кассалардың саны артып, бұл елорда тұрғындарына қызметтің қолжетімділігін арттырады.

Атаулы көлік карталарын мына тұлғалар рәсімдей алады::

елордадағы оқу орындарының 7-ден 18 жасқа дейінгі білім алушылары; Астанада тіркелген және тұрақты тұратын, елорда мәслихаты бекіткен жеңілдік санаттарына жататын азаматтар.

Мектеп көлік картасын рәсімдеу үшін:

ата-анасы бірінің немесе заңды өкілдерінің жеке куәлік немесе төлқұжат түпнұсқасы; баланың ЖСН көрсетілген туу туралы куәлігінің түпнұсқасы; Астанадағы оқу орнынан берілген анықтама түпнұсқасы; көлемі 3 × 4 немесе 4 × 6 сантиметр болатын түрлі түсті сурет ұсыну қажет.

Жеңілдік көлік картасын рәсімдеу үшін қажетті құжаттар:

жеке куәлік немесе төлқұжат түпнұсқасы; зейнеткерлік куәліктің түпнұсқасы; көлемі 3 × 4 немесе 4 × 6 сантиметр болатын түрлі түсті сурет.

eGov Mobile мобильді қосымшасындағы цифрлық құжаттар, соның ішінде "Әлеуметтік ID" көрсетілген жағдайда жарамды деп танылады.

Жеңілдікпен жол жүруге құқығы бар азаматтар санаттарының тізімімен CTS сайтында орналастырылған жария шарт қосымшасынан танысуға болады.

Бұған дейін Астанада қоғамдық көлікте жол жүру және багаж тасымалдау тарифтері өзгеретіні белгілі болған. Жолақы 150 теңгеге дейін қымбаттауы мүмкін.

Тағы оқыңыз: Тағы 20 станция: Астанада ЛРТ қалай кеңейтіледі?

Бізді Google-дың негізгі дереккөздер тізіміне қосыңыз

Қосу