Елдегі ең қымбат футболшылар кімдер?

World Boxing ұйымына тағы 3 мемлекет қосылды. Енді Португалия, Армения және Экваторлық Гвинея елінің спортшылары да халықаралық қауымдастық құрамында өнер көрсетеді.

Осылайша, 2023 жылы құрылған ұйымға мүше мемлекеттер саны 155-ке жетті. Айта кетейік, дәл қазір World Boxing қауымдастығын отандасымыз Геннадий Головкин басқарады. Бұл ұйым Лос-Анджелес олимпиадасының іріктеу кезеңдерін өткізеді.

Елдегі ең қымбат футболшылар кімдер?

Қазақ футболшыларының құны өсті. Tranfermarket порталының мәліметінше, ұлттық құрама шабуылшысы Ғалымжан Кенжебектің нарықтағы бағасы 1 жылда 375 мың еуродан 600 мыңға дейін көтеріліп, өсім көрсеткіші 166 пайызға жетті. Бұл Қазақстан футболында өте сирек кездесетін динамика. Екінші орынға Ресейдің «Ахмат» клубында ойнайтын Максим Самородов жайғасты. Оның құны былтыр 1,3 млн еуро болса, қазір 2,5 млн еуроға өсіп, 108 пайыздық өсім тіркелді. Оған отандасымыздың тұрақты ойыны мен жоғары деңгейдегі бәсекеге бейімделуі басты себеп. Үздік үштікті  семейлік «Елімайдың» орталық қорғаушысы Әділбек Жұмаханов түйіндеді. Футболшы 250 мыңнан, 600 мың еуроға дейін көтерілді. Ал 17 жастағы Дастан Сәтбаев биыл ғана трансфермаркет тізіміне енді. Жас талант бірден 3 млн еуроға бағаланған.

Ислам Чесноков қашан дебют жасайды?

Ислам Чесноковтың  шотландиялық «Хартс» сапында қашан дебют жасайтыны белгілі болды. Эдинбургтік ұжым ай соңына дейін 4 матч өткізеді. Алғашқысын 11 қаңтарда сырт алаңда «Дандиге» қарсы ойнайды. Сол кездесуде отандасымыз өнер көрсетуі мүмкін. Айта кетейік, «Хартс» клубы дәл қазір Шотландия премьер-лигасында 44 ұпаймен көш бастап тұр. Олар «Рейнджерстен» 3, «Селтиктен» 6 ұпайға алда. 26 жастағы ойыншы «Хартспен» 2028 жылдың жазына дейін келісімшартқа отырды. Ол клуб тарихында және Шотландия чемпионатында өнер көрсететін тұңғыш қазақстандық футболшы атанып отыр. Онда отандасымыз 99-шы нөмірлі жейдемен ойнайды.