Елорда мәслихатының 2 депутатының өкілеттігі мерзімінен бұрын тоқтатылды

— ҚР-ның жергілікті мемлекеттік басқару және өзін-өзі басқару туралы» заңының 20-бабы 3-тармағы 8-тармақшасына және 4-тармағына сәйкес депутаттар Қанат Ибраев пен Жанаргүл Күлмағамбетова өтініш беруіне байланысты Астана қалалық аумақтық сайлау комиссиясы биыл 6 қазанда шешім қабылдады. Астана қаласының мәслихатына осы депутаттардың өкілеттігін мерзімінен бұрын тоқтату туралы ұсыныс енгізді. Осыған орай Астана қалалық мәслихатының депутаттарынан шешім қабылдауды сұраймыз, — деді Астана қалалық сайлау комиссиясы төрағасының міндетін атқарушы Ләззат Әбеуова.

Осыдан кейін депутаттардың өкілеттігінің тоқтатылуына байланысты басқа депутаттар Астана қалалық мәслихатының тұрақты комиссияларының құрамына шығарылды. Атап айтқанда, жаңа сайланған депутат Талғат Дүйсеков әлеуметтік-мәдени даму мәселелері жөніндегі тұрақты комиссияның құрамына енгізілді.

Айта кетелік Алматы қаласының мәслихатына жаңа депутат сайланған еді.