Енді 14 жасқа дейінгі баласы бар жалғызбасты ата ананы жұмыстан шығаруға тыйым салынады

Құжат жұмыс берушілер мен қызметкерлер үшін бірқатар маңызды өзгерісті қамтиды, – деп хабарлайды Aikyn.kz сайты.

Енді азаматтық-құқықтық шарттарды еңбек қатынастарының орнына қолдануға тыйым салынады. Егер қызметкер тұрақты жұмыс істеп, ішкі тәртіпке бағынса, мұндай қатынас міндетті түрде еңбек шартымен рәсімделуге тиіс.

Сондай-ақ 14 жасқа дейінгі баласы бар жалғызбасты ата-аналарды жұмыс беруші бастамасымен жұмыстан шығаруға тыйым енгізілді.

Еңбек дауларын шешу үшін келісім комиссияларына тәуелсіз делдал тарту мүмкіндігі қарастырылған. Өндірістік қауіпсіздік талаптары күшейтіліп, жазатайым оқиғаларды тергеуге жәбірленуші тараптың өкілдері қатыса алады.

Сонымен қатар қызметкердің жазатайым оқиғадағы кінәсі 25%-дан аспауы тиіс.