Енді бақылау күшейеді: мемлекеттен қыруар қаржы алып, әлі күнге дейін қайтармаған банк көп

Қаржы нарығын реттеу және дамыту агенттігінің төрағасы Мадина Әбілқасымова елдегі кейбір банктер мемлекеттен алынған миллиардтаған қаражатты әлі күнге дейін толық қайтармағанын мәлімдеді, – деп хабарлайды Aikyn.kz сайты.

Оның айтуынша, бұл мәселе қаржы жүйесінің ашықтығына және жауапкершілік деңгейіне тікелей әсер етеді. Әбілқасымова агенттік аталған банктердің міндеттемелерін орындауын қатаң бақылауда ұстайтынын атап өтті.