Ерлан Қарин Қытай Медиакорпорациясының басшысымен кездесті

Мемлекеттік кеңесші Ерлан Қарин Қытай Медиакорпорациясының басшысы Шэнь Хайсюнмен кездесті, - деп хабарлайды Tengrinews.kz тілшісі.

Мемлекеттік кеңесші Ерлан Қарин Қытай Медиакорпорациясының басшысы Шэнь Хайсюнмен кездесті, - деп хабарлайды Tengrinews.kz тілшісі.

Мемлекеттік кеңесші Ерлан Қарин Қытай Халық Республикасына жұмыс сапары аясында China Media Group бас директоры, Қытай Коммунистік партиясы Орталық комитетінің Насихат бөлімі меңгерушісінің орынбасары Шэнь Хайсюнмен кездесті.

Сондай-ақ басқосуға Қазақстан Республикасының Қытай Халық Республикасындағы Төтенше және өкілетті елшісі Шахрат Нұрышев, Қазақстан Республикасы Президенті телерадиокешенінің директоры Раушан Қажыбаева және "Jibek joly" телеарнасының директоры Еркежан Күнтуған қатысты.

Ерлан Қарин Президент Қасым-Жомарт Тоқаевтың басшылығымен елімізде жүзеге асып жатқан мәдени-гуманитарлық реформалардың мән-мазмұны, сондай-ақ цифрландыруды кеңінен дамыту және жасанды интеллектіні жаппай енгізу бағытындағы жұмыстар туралы айтты.

Тараптар былтыр Қазақстанда өткен Silk Way Star халықаралық байқауының жоғары деңгейде ұйымдастырылғанын атап өтіп, биыл Қытайда жалғасын табатын конкурсқа дайындық мәселесін пысықтады.

Ақорданың баспасөз қызметі жариялаған сурет

ҚАЗІР ТАЛҚЫЛАНЫП ЖАТЫР

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Жобаның бірінші маусымының трансляциясы тек Қытайдың өзінде 1 миллиардтан астам қаралым жинады. Биыл байқауда Қазақстан атынан қытайлық көрерменге жақсы таныс әнші Рухия Байдүкенова өнер көрсетеді.

Жобаның екінші маусымының түсірілімі 2026 жылғы шілдеде Қытайдың Иу қаласында өтеді деп күтіліп отыр. Жоспарланған 10 шығарылымның көрсетілімі шілде айының соңынан қыркүйек айының соңына дейін көпшілікке ұсынылмақ. Айрықша атап өтерлік жайт, Silk Way Star – мұндай форматта ұйымдастырылған Азиядағы алғашқы халықаралық вокалдық байқау. Әрі қазақстандық медиа жоба тұңғыш рет Қытайдың орталық телеарнасында жүзеге асырылмақ.

Шэнь Хайсюн мұндай жобалар China Media Group пен Қазақстан Республикасы Президентінің телерадиокешені арасындағы жемісті ынтымақтастықтың нәтижесі саналатынын атап өтті.

Кейінгі екі жылда Президент телерадиокешені мен China Media Group бірқатар бірлескен жобаны жүзеге асырды. Олардың қатарында "Астана-Бейжің" телекөпірі, Шанхай ынтымақтастық ұйымының саммиті аясындағы телеконференция, сондай-ақ арнайы шығарылымдар мен деректі фильмдер бар.

Сонымен қатар Мемлекеттік кеңесші 2026 жылғы 1-3 қазанда Астанада жасанды интеллект технологияларын қолдану арқылы түсірілген фильмдердің алғашқы халықаралық фестивалі – "Astana AI Film Festival" (AAIFF 2026) өтетінін жеткізді. Жасанды интеллект көмегімен түсірілген қысқаметражды фильмдердің халықаралық байқауы аталған фестивальдің басты уақиғасы болмақ.

Кездесу барысында тараптар мәдени-гуманитарлық саладағы өзекті мәселелерді кеңінен талқылап, өзара түсіністік пен ынтымақтастық рухындағы диалогты одан әрі жалғастыруға уағдаласты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!