Есіктен кіргенде құлап, құшақтап алыппын...: Мұхтар Шахановтың әйелі ақынмен қалай танысқанын айтты (видео)

Әйгілі ақын Мұхтар Шахановтың әйелі Ханшайым Шаханова ақынмен танысқан кезін еске алды, – деп жазды Aikyn.kz.

«Анам айтып отырушы еді, «Сен үлкен тұлғаның жары болдың. Енді көргенді көрме, естігенді естіме. Мұндай тұлғаға жар болу оңай емес» деп. Мұхаңмен танысқаным әлі есімде. Есіктен кірсем, өлең жазып отыр екен. Табалдырықта аяғым шалынып кетіп, құлап, осы кісіні құшақтап алыппын ғой. Ол кісі маған едірейіп қараған болатын. Содан дастарқанда қасында отырғанымда, табағыма жемістер аршып салып, үйіп тамақ салып берді. Өзімнің қарным ашып келген болатын. Бірақ қолым дірілдеп сол тамақтың ешбірін жей алмадым», - дейді Ханшайым Шаханова.

Айтуынша, осы таныстықтың соңы отбасын құрумен аяқталған.

Сараптама, зерттеу мақала, күнделікті өзекті ақпаратты «Айқынның»  TELEGRAM арнасынан табасыз.