Еуропа Украинадағы келіссөздерге кедергі келтіріп жатыр Лавров

АСТАНА, 10 желтоқсан - Sputnik. Еуропа Украинадағы дипломатиялық келіссөздер процесін барынша тежеуге тырысып жатыр, деп мәлімдеді Ресей сыртқы істер министрі Сергей Лавров.

"Батыс біртұтас емес. Мұны соңғы күндері болған оқиғалар да растайды. Сол кезде АҚШ президенті Дональд Трамп берген сұхбаттарының бірінде Еуропаның Украинадағы келіссөздер бойынша қол жеткізілуі мүмкін келісімдерді жасанды түрде кешіктіру әрекеттерін сынға алды. Келісім процесі қақтығысқа негізгі себептерді жоюды қамтамасыз ететін еді. Бірақ Еуропа бұл процесті жасанды түрде тежеуге тырысып жатыр", - деді ол Федерация Кеңесіндегі "үкімет сағатында" сөйлеген сөзінде.

Ресей президенті Владимир Путин бұған дейін Кремльде АҚШ-тың арнайы елшісі Стив Уиткофф пен америкалық Affinity Partners компаниясының негізін қалаушы Джаред Кушнерді қабылдаған болатын. АҚШ өкілдерінің Ресейге сапары Украинаға арналған АҚШ бейбітшілік жоспарын талқылаумен байланысты болды. Путиннің айтуынша, америкалық тарап 27 тармақты төрт пакетке бөліп, оларды бөлек талқылауды ұсынды.

Қараша айының соңында Ақ үй Украинадағы қақтығысты реттеу бойынша ұсыныс әзірленгенін жариялады. Шетелдік БАҚ-тың хабарлауынша, жоспарға Донбасстағы аумақты Мәскеудің бақылауына беру, оны және Қырымды Ресей аумағы ретінде ресми түрде тану, Запорожье және Херсон облыстарындағы қақтығыс желісінің көп бөлігін тоқтата тұру, Украина Қарулы күштерін екі есеге қысқарту және Ресейге терең шабуыл жасай алатын шетелдік әскер мен қару-жарақты орналастыруға тыйым салу кіреді.

Ресей президенті Владимир Путин АҚШ-тың бастапқы бейбітшілік жоспары болашақ келісімдерге негіз болуы мүмкін, бірақ әрбір тармақ алдын ала мұқият пысықталуы керек. Ол арнайы әскери операция мақсаттарына жақындатып жатқандықтан қақтығыс даласындағы жағдай жалпы Ресейге қолайлы екенін, бірақ ел келіссөздерге және қақтығысты бейбіт жолмен шешуге ашық екенін айтты.