Еуропарламент зорлауды келісім қағидаты бойынша анықтауды ұсынды

Депутаттардың пікірінше, мұндай тәсіл әйелдерді қорғауды күшейтіп, сексуалдық сипаттағы зорлық-зомбылықпен күресті тиімді етеді. Көпшілік бұл бастаманы қолдап, Еуропалық комиссия тарапынан тиісті заң жобасын әзірлеуді сұрады.

Ұсынысқа сәйкес, зорлау ұғымы ерікті келісімнің болмауына негізделуі тиіс. Яғни жәбірленушінің нақты келісімі болмаса, бұл қылмыс ретінде қарастырылуы керек.

Бұл қағидат қазірдің өзінде кейбір елдерде қолданылады. Мысалы, Швеция 2018 жылы осындай норманы енгізген, ал Франция заңнамасын жақында жаңартты.

Германия секілді бірқатар мемлекетте қылмыстық жауапкершілікке тарту үшін әлі де нақты қарсылық көрсетілгенін дәлелдеу талап етіледі. Сарапшылардың айтуынша, бұл жағдай жәбірленушілерді қорғау деңгейін төмендетеді.

Айта кетейік, Еуропарламент депутаттары ЕО бюджетін 2 триллион еуроға кеңейтуді ұсынды.