Халықты қуантқым келеді Жұманғарин ең төменгі жалақыны көтеру туралы

Премьер-министрдің орынбасары - ұлттық экономика министрі Серік Жұманғариннен Қазақстандағы ең төменгі жалақыны (ЕТЖ) көтеру туралы сұралды. Бұған дейін Ұлттық экономика министрлігі ЕТЖ-ны бірден екі есеге жуық, яғни 85 мыңнан 150 мың теңгеге дейін көтеру мүмкіндігін жоққа шығармаған болатын, деп хабарлайды Tengrinews.kz.

Премьер-министрдің орынбасары - ұлттық экономика министрі Серік Жұманғариннен Қазақстандағы ең төменгі жалақыны (ЕТЖ) көтеру туралы сұралды. Бұған дейін Ұлттық экономика министрлігі ЕТЖ-ны бірден екі есеге жуық, яғни 85 мыңнан 150 мың теңгеге дейін көтеру мүмкіндігін жоққа шығармаған болатын, деп хабарлайды Tengrinews.kz.

"Көрсеткіш бірден 150 мыңға дейін өсе ме, әлде бұл кезең-кезеңімен жүзеге аса ма? Жалпы бұл ЕТЖ-ға байланысты өзге де көрсеткіштерге қалай әсер етеді?", - деп сұрады журналистер Жұманғариннен үкімет кулуарында.

Вице-премьердің айтуынша, ЕТЖ-ны көтеру мәселесімен жеке жұмыс тобы айналысып жатыр.

"Қазір осы мәселені қарастырып жатырмыз. Әдістеменің өзі өте икемді. Бүгінгі таңда ЕТЖ - екі айнымалының функциясы. Олар - еңбек өнімділігі мен медианалық жалақы. Соған сәйкес, ЕТЖ деңгейін реттеу үшін біз енгізген белгісіздік коэффициенті де бар. Бірақ оны қаншалықты көтереміз немесе көтереміз бе, жоқ па - мұның бәрі бюджет мүмкіндіктеріне байланысты болады", - деді Серік Жұманғарин.

Ол "қазір бұл мәселе пысықталып жатқанын" айтып, жуырда жауап беруге уәде берді.

"Біз үш жылдық бюджетті қалыптастыруды бастап кеттік. Әрине, осындай деңгейде жалақы алатын жандарды қуантқымыз келеді. Бірақ нақты "иә" деп айту үшін барлық есептеулерді дұрыс жүргізу керек, себебі бұл - бюджеттің белгілі бір шығындары", - деді Жұманғарин.

Вице-премьер бұл жерде 2027-2029 жылдарға арналған республикалық бюджет туралы сөз болып отырғанын нақтылады.

Сәуір айында ұлттық экономика бірінші вице-министрі Азамат Әмрин Қазақстанда ЕТЖ-ны 150 000 теңгеге дейін көтеру мүмкіндігі қарастырылып жатқанын хабарлаған болатын.

ҚАЗІР ТАЛҚЫЛАНЫП ЖАТЫР

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Еңбек және халықты әлеуметтік қорғау министрі Асқарбек Ертаев Қазақстанда ең төменгі жалақыны 150 мың теңгеге дейін көтеру мәселесі жыл соңына дейін талқыланатынын мәлімдеді.