Халықтың 80% ы көлікті несиеге алған

Жаңа автонесиелер көлемі 29,8%-ға өсіп, ₸2,4 триллионға жетті, – деп хабарлайды Aikyn.kz сайты.

Осылайша сегмент алғаш рет ипотекалық нарықпен теңесті.

Өсімге автокөлікке сұраныстың артуы, банктер мен дилерлердің бірлескен бағдарламалары, табыстың өсуі және жеңілдетілген несие шарттары әсер етті. Нәтижесінде автонесиенің бөлшек нарықтағы үлесі айтарлықтай ұлғайды.

2025 жылы көліктердің 53-80%-ы несиеге сатып алынған. Бұл автонесиенің тек тұтынушылық емес, табыс көзі ретінде де қарастырыла бастағанын көрсетеді.

Сонымен қатар, несиелердің сапасы тұрақты сақталды: мерзімі өткен қарыз үлесі 2,7%-ға дейін төмендеді. Бұл кепілдік жүйе мен қатаң іріктеудің нәтижесі.

Алайда жылдың екінші жартысында мөлшерлемелердің 14,6%-дан 22,9%-ға дейін өсуі нарық өсімін баяулатты. Төртінші тоқсанда несиелеу көлемі 11,6%-ға қысқарды.

Сарапшылардың пікірінше, нарық енді жедел өсімнен тұрақты даму кезеңіне өтуде. Алдағы уақытта өсім халық табысына, несие құнына және нарықтың қанығуына байланысты болады.