ХАМАС Израильге бұрын анықталған тұтқын мәйітінің бөлшектерін ғана қайтарды

Сейсенбі күні Израиль премьер-министрінің кеңсесі ХАМАС Израильге тапсырған мәйіт бөлшектері 2023 жылдың 7 қазанындағы шабуыл кезінде содырлар ұрлап әкеткен израильдік кепілге алынған Офир Царфатиге тиесілі екенін хабарлады. Царфатидің денесін сол жылдың желтоқсан айында Израиль қорғаныс күштері тапқан.

Израиль премьер-министрі Биньямин Нетаньяху ХАМАС-тың әрекетін «АҚШ-тың делдалдығымен жасалған атысты тоқтату туралы келісімді айқын бұзу» деп атады. 

Following the completion of the identification process, it was found that last night, remains belonging to fallen hostage Ofir Tzarfati – of blessed memory, who was returned from the Gaza Strip in a military operation about 2 years ago – were returned. His family was notified.

— Prime Minister of Israel (@IsraeliPM) October 28, 2025

Оның айтуынша, палестиналық топ тұтқында қаза тапқан 13 израильдіктің денесін қайтаруға уәде берген, бірақ оның орнына кепілге алынған тұтқын мәйітінің бөліктерін тапсырған.

- Екі жыл бұрын қайтыс болған адамның дене мүшелерін қайтаруды атысты тоқтатуды бұзу әрекетінен басқа ештеңе деп санауға болмайды,- деп атап өтті премьер-министр.

Израильдік БАҚ-тың хабарлауынша, мәйіт Қызыл Крест өкілдеріне тапсырылып, содан кейін Тель-Авивтегі «Әбу Кабир» сот медициналық институтына жеке басын анықтау үшін апарылған. Бірнеше сағаттық сынақтан кейін сарапшылар оның Офир Царфатиге тиесілі екенін растады.

The Times of Israel басылымы израильдік резервшілерге сілтеме жасай отырып, палестиналықтардың шұңқыр қазып, денені жақын маңдағы ғимараттан алып келіп, Қызыл Крест бақылаушыларының көзінше камералар алдында «табылғанын» хабарлады. Оқиға әскери дронмен түсірілген.

This constitutes a clear violation of the agreement by the Hamas terrorist organization.
Prime Minister Netanyahu will hold a security discussion with the heads of the security establishment to discuss Israel's steps in response to the violations.

— Prime Minister of Israel (@IsraeliPM) October 28, 2025

Бұл Израильдің наразылығын тудырды. Бұрынғы премьер-министр Нафтали Беннетт және оңшыл министрлер Нетаньяхуды атысты тоқтатуды бұзғаны үшін ХАМАС-ты жоюға шара қолдануға шақырды.

Израиль премьер-министрінің кеңсесі Нетаньяху сейсенбі күні кешке қауіпсіздік басшыларымен атысты тоқтатуды бұзуға жауап ретінде одан әрі шараларды талқылау үшін кездесу өткізетінін хабарлады.

Израиль билігінің мәліметінше, Газа секторында 13 израильдік тұтқынның денесі бар. Израиль ХАМАС-ты олардың қайтарылуын әдейі кешіктірді деп айыптайды. Ал палестиналық топ анклавтағы кең көлемді қирауларға байланысты денелерді таба алмайтынын мәлімдеді.

Айта кетейік, ХАМАС Газадағы израильдік кепілге алынғандардың мәйіттерін іздеу аясын кеңейтті.