Идеядан жаһандық брендке дейін: Путин RT телеарнасын 20 жылдық мерейтойымен құттықтады

АСТАНА, 17 қазан — Sputnik. Ресей президенті Владимир Путин RT телеарнасын 20 жылдық мерейтойымен құттықтады.

"Сіздердің іскер, жасампаз және ұйымшыл ұжымдарыңызға жоғары кәсібилігі, кәсібі мен міндетіне адалдығы үшін алғыс білдіремін. Жаһандық ақпарат кеңістігінде шындықты батыл, жанқиярлықпен және табандылықпен қорғағандарыңыз үшін рахмет айтамын", - деп мәлімдеді Путин.

Оның айтуынша RT тез танымалдық пен ықпалға ие болған, нәтижесінде оның бәсекелестері қызғанышпен қарап, тіпті сескене бастаған.

RT халықаралық телевизиялық желісі 2005 жылы іске қосылды. Осы жылдар ішінде ол әлемдік медиа жобалардың біріне айналды. RT брендімен сегіз арна, сондай-ақ екі деректі арна ағылшын, испан, араб, неміс, француз, серб тілдерінде хабар таратады.

2005 жылы – ағылшын тілінде халықаралық арна хабар тарата бастады;

2007 жылы – араб арнасы іске қосылды;

2009 жылы – испан арнасы іске қосылды.

2010 жылы – RT America іске қосылды;

2013 жылы – Ruptly өзінің видеоагенттігін ашты;

2014 жылы – RT UK арнасы Лондоннан жұмысын бастады;

2018 жылы – француз тілінде;

2021 жылы – неміс тілінде хабар таратуға кірісті;

2024 – серб тілінде жұмысын бастады.

Сондай-ақ 2025 жылы Делиден RT India жұмысын бастайды деп жоспарлануда.