Қазақстан құтқарушыларын шетелдік әріптестері 30 жылдық мерейтойымен құттықтады

АСТАНА, 20 қазан — Sputnik. Ресейдің төтенше жағдайлар министрі Александр Куренков қазақстандық құтқарушыларды Қазақстан Республикасы ТЖМ құрылғанына 30 жыл толуымен құттықтады.

Ресей ТЖМ басшысы Александр Куренковты Қазақстан төтенше жағдайлар министрлігі басшысы Шыңғыс Әріновтың атына құттықтау жолдады.

© Photo : МЧС КазахстанаРесей ТЖМ басшысы Александр Куренковтың Қазақстан ТЖМ басшысы Шыңғыс Әріновке жолдаған құттықтауы

Ресей ТЖМ басшысы Александр Куренковтың Қазақстан ТЖМ басшысы Шыңғыс Әріновке жолдаған құттықтауы

© Photo : МЧС Казахстана

"Министрліктің қызмет ету мерзімінде қазақстандық өрт сөндірушілер мен құтқарушылар өзін қиыншылыққа тап болған адамдарға кез келген сәтте көмекке келуге дайын, өз ісіне берілген кәсіпқойлар ретінде көрсетті", - деп атап өтті Куренков.

Ол ардагерлерге алғыс, қазіргі қызметкерлердің еңбегіне ризашылығын білдірді.

"Ресей мен Қазақстанның құтқару ведомстволарының ынтымақтастығы дәйекті түрде нығайып, елеулі әлеуетке ие екенін ризашылықпен атап өтемін. Бұл біздің екіжақты өзара іс-қимылымызбен де, бейінді халықаралық ұйымдар алаңдарындағы көпжақты форматтағы жемісті жұмысымызбен де расталған", - деп жазды РФ ТЖМ басшысы.

Беларусь құтқарушылары да Қазақстан төтенше жағдай саласы қызметкерлерін 30 жылдығымен құттықтады. Қазақстандық әріптестері үшін арнайы ролик жасаған.

"Біздің ведомстволар арасында өзара сыйластыққа, тәжірибе алмасуға және құтқару қызметін жетілдіруге ұмтылуға негізделген берік серіктестік қатынастар қалыптасты", - деді Беларусь ТЖМ.

Сондай-ақ олар Қазақстан ТЖМ-мен ынтымақтасу мүмкіндігін мақтан тұтатынын айтты. Біздің өзара іс-қимылымыз еліміздегі қауіпсіздікті нығайтуға ары қарай да ықпал етеді, деп мәлімдеді Беларусь құтқарушылары.