Ипотека мен автонесиеге сұраныс азайып барады

Қазақстанда ипотека және автонесие нарығында айтарлықтай төмендеу байқалады.
Қараша айының қорытындысы бойынша жеке тұлғаларға берілген кредит көлемі 1,4 трлн теңгені құрады. Бұл қазан айымен салыстырғанда 1,7% төмен көрсеткіш және наурыздан бергі ең минималды деңгей. Мұндай мәліметті Data Hub Бірінші кредиттік бюро ұсынды.

Керісінше, кепілсіз тұтынушылық несиелер бойынша өсім бар: бір айда бұл бағыттағы көлем 5,4% артқан.

Автонесие беру көлемі: 14%-ға төмендеп, 181 млрд теңгеге дейін қысқарды;

Ипотека нарығы: 8,3%-ға азайып, 228 млрд теңгені құрады.

Сарапшылардың айтуынша, ипотека бүгінде халықтың шектеулі бөлігіне ғана қолжетімді.
«Қазақстандағы парламентаризмді дамыту қоры» президенті Зауреш Батталованың сөзіне қарағанда, елімізде ипотеканы тек халықтың 30–40% шамасында ғана рәсімдей алады.