Ипотекаға баспана алам деушілерге жаңа мүмкіндік туды

АСТАНА, 22 қаңтар - Sputnik. Қазақстанда тұрғын үй кезегінде тұрғандар үшін маңызды өзгерістер туралы "Отбасы банкі" хабарлады.

Енді тұрғын үйде үлесі бар, кезекте тұрған адамдар да мемлекеттен көмек ретінде жеңілдетілген ипотека немесе жалға берілетін тұрғын үй ала алады.

Бұрын пәтерде аз үлесі болса да, оған мемлекеттік көмек алуға мүмкіндік болмайтын. Енді жеңілдетілген ипотекаға да, мемлекеттен тұрғын үйге де қол жеткізе алады.

"Отбасы банкі" бұл мәселе заңды түрде әлі шешілмегенін айтады. Бірақ көптеген өтініш түскендіктен азаматтардың жағдайын түсініп, кезекте тұрғандарды үлестік меншікпен қарастыру туралы шешім қабылданды.

Бұл мүмкіндік қазақстандықтарға 2026 жылдың ақпан айынан бастап қолжетімді болады.