Иран келіссөз жүргізуді ұсынды, бірақ АҚШ диалогқа дейін әрекет етуі мүмкін

АҚШ президенті Дональд Трамп Иран билігі байланысқа шығып, келіссөз бастау туралы ұсыныс білдіргенін айтты. Сонымен бірге Вашингтонның келіссөзге дейін-ақ белгілі бір шаралар қабылдауы мүмкін екенін жеткізді, деп хабарлайды Egemen.kz.

Фото Depositphotos.com

Трамптың айтуынша, бұл ұсыныс АҚШ басшысының Ирандағы наразылықтарды күшпен басуға қатысты қатаң жауап болатынын ескерткен мәлімдемелерінен кейін түскен.

11 қаңтарда Дональд Трамп Ирандағы наразылықты таратуға байланысты «өте қатаң жауап» нұсқаларын қарастырып жатқанын мәлімдеген. Ақ үйде талқыланып отырған ықтимал шаралар қатарында санкцияларды күшейту, кибероперациялар жүргізу және әскери соққы беру мүмкіндігі де бар екені айтылды.

– Әкімшілік иран тарапымен кездесу ықтималдығын талқылап жатыр. Бірақ бізге келіссөз басталғанға дейін де әрекет етуге тура келуі мүмкін, – деді АҚШ президенті.

Бұл ретте Трамп адам құқықтарын қорғаушылардың деректеріне сүйеніп, Иранда қаза тапқандар саны өсіп келе жатқанын және наразылыққа қатысқандардың жаппай ұсталып жатқаны туралы ақпаратты атап өтті.

Дональд Трамп Иранға күш қолдануды талқылайды

Тегеран әзірге АҚШ президентінің мәлімдемесіне ресми түсініктеме берген жоқ. Бұған дейін Иран парламентінің спикері Мохаммад Багер Қалибаф елге соққы жасалған жағдайда, АҚШ күштері мен Израиль «заңды нысанаға» айналатынын айтқан.

Ал Иранның сыртқы істер министрі Аббас Арагчи Тегеран келіссөзге дайын екенін, бірақ ол «өзара құрмет» шарттарымен ғана жүзеге асуы тиіс екенін мәлімдеген.

Human Rights Activists News Agency (HRANA) құқық қорғау ұйымының есебіне сәйкес, Ирандағы наразылықтар кезінде кемінде 544 адам қаза тапқан. Ұйым дерегінше, олардың 496-сы наразылыққа қатысушылар, 48-і қауіпсіздік күштерінің қызметкерлері. Сонымен қатар соңғы екі аптада 10 600-ден астам адам ұсталғаны айтылды.

Иран билігі қаза тапқандар мен ұсталғандарға қатысты ресми жиынтық статистика жариялаған жоқ. Мемлекеттік БАҚ ондаған шерушінің қаза болғанын хабарлаған. Ал Tasnim агенттігі 109 қауіпсіздік қызметкері көз жұмғанын мәлімдеді.

Трамп Масктен Ирандағы интернет байланысын қалпына келтіруді өтінбек

12 қаңтарда сыртқы істер министрі Аббас Арагчи шетелдік дипломаттармен кездесуде елдегі жағдай толық бақылауға алынғанын айтты.

– Наразылықтар зорлық-зомбылыққа ұласып, қан төгіспен жүруі АҚШ президентіне араласуға сылтау жасау үшін әдейі жоспарланған, – деді ол.

Осы күні Иран мемлекеттік телеарнасы Тегерандағы Энгелаб алаңына бағыт алған шеру кадрларын көрсетті. Репортажда бұл акцияларға билікті қолдайтын азаматтар қатысқаны айтылып, ресми мәлімдемеде шаралар «америкалық-сионистік терроризмге қарсы ирандық көтеріліс» деп аталды.

Сыртқы реакцияға келсек, Қытай Ирандағы тұрақтылықты қолдайтынын және сыртқы араласуға қарсы екенін мәлімдеді. ҚХР СІМ өкілі Мао Нин халықаралық қатынастарда күш қолдануға жол берілмейтінін айтып, халықаралық құқық аясында мемлекеттердің егемендігі мен қауіпсіздігін құрметтеуге шақырды.

Айта кетейік, Иран үш күндік ұлттық аза тұту жариялады.

Соңғы жаңалықтар

Қонаевтың рухына тағзым етті

Тұлға • Бүгін, 21:17

Биыл Павлодарда 10 балабақша мен 13 мектеп жөндеуден өтеді

Құрылыс • Бүгін, 20:57

Атырау облысында жоғалып кеткен отбасы: марқұм әйелдің соңғы аудиожазбасына қатысты жаңа дерек шықты

Қылмыс • Бүгін, 20:38

Ұлттық ұланның «BURKIT TEAM» командасы AMMA Азия чемпионатында жүлдегер атанды

Әскер • Бүгін, 20:16

Қасым-Жомарт Тоқаев Қаржылық мониторинг агенттігінің төрағасын қабылдады

Президент • Бүгін, 19:51

Депутат өңдеу өнеркәсібінің проблемаларымен танысты

Экономика • Бүгін, 19:37

Алматыда омыртқа жұлыны кеселімен туған екі балаға күрделі ота жасалды

Медицина • Бүгін, 19:16

Ақмола облысында 127 инклюзия кабинеті жұмыс істейді

Денсаулық • Бүгін, 18:53

2025 жылы елімізде қанша кәсіпорын іске қосылды?

Үкімет • Бүгін, 18:40

Мемлекет басшысы Ұлттық құрылтай отырысы өтетін күнді белгіледі

Президент • Бүгін, 18:28

Астана әуежайында ауа райына байланысты бірқатар рейс кешіктірілді

Ауа райы • Бүгін, 18:19

Meta Қазақстан бойынша салынатын контентпен жұмыс істейтін қызметкер іздеп жатыр

Қоғам • Бүгін, 18:00

Алматы мектептері отандық цифрлық журналға бет бұрды

Аймақтар • Бүгін, 17:55

Мемлекеттен көмек алған банктерге дивиденд төлеуге шектеу қойылуы мүмкін

Қаржы • Бүгін, 17:52

Сержант-спортшы Азия додасында топ жарды

Спорт • Бүгін, 17:39

Барлық жаңалықтар