Израиль кепілге алынғандарды босату процесін тікелей эфирде көрсетеді

АСТАНА, 13 қазан - Sputnik. Израильдің "Кепілге алынғандардың отбасылар форумы" қоғамдық ұйымы жексенбі күні түн ортасынан бастап Тель-Авивтің орталығындағы "кепіл алаңы" деп аталатын алаң жұртшылық үшін ашық болатынын, онда Газа секторында кепілде жатқандардың босатылуы тікелей трансляция арқылы көрсетілетінін хабарлады, деп хабарлайды РИА Новости.

"Түн ортасынан бастап кепілге алынғандар алаңы жұртшылық үшін ашық болады, онда кепілге алынғандарды босату бойынша тікелей трансляция көрсетіледі. Осы тарихи және әсерлі сәттердің куәсі бола аласыздар", - деп хабарлады израильдік кепілге алынғандардың отбасыларына екі жыл бойы қолдау көрсетіп келе жатқан ұйым.

Жексенбі күні таңертең Израиль премьер-министрі Биньямин Нетаньяху Израиль Дональд Трамптың бейбітшілік жоспары аясында Газада палестиналық радикалдар босатқан барлық адамдарды дереу қабылдауға дайын екенін мәлімдеді.

Израиль министрлер кабинетінің баспасөз хатшысы Шош Бедросиан журналистерге дүйсенбі күні таңертең Газадан кепілгген алынған израильдіктердің босатылуы күтілетінін айтты.

Израиль өз кезегінде түрмеде жатқан екі мыңға жуық палестиналықты босатуға уәде етті.