Камчаткадағы Шивелуч жанартауынан қуатты газ бу бөлініп, жылу аномалиясы тіркелді

Мекеме өкілдерінің айтуынша, жанартаудың лавалық күмбезі ұлғайып келе жатыр, бұл үдеріспен қатар қуатты газ-бу да бөлініп жатыр. Спутниктік деректер жанартауда жылулық аномалия бар екенін көрсеткен.

Лавалық күмбездің биіктігі 2,5 шақырымға жеткен, ал жанартаудың авиациялық түстік коды «қызғылт сары» деңгейде. Бұл жанартаудың белсенділігі төмен биіктікте ұшатын әуе кемелерінің қозғалтқыштарына қауіп төндіруі мүмкін екенін білдіреді.

Шивелуч – Камчаткадағы белсенді жанартау. Ол Ескі Шивелуч жанартауы, көне кальдера және белсенді Жас Шивелуч жанартауынан тұрады, оның жасы шамамен 60–70 мың жыл. Жанартау Усть-Камчат округіндегі Ключи елді мекенінен шамамен 50 шақырым, ал Петропавл-Камчатский қаласынан 450 шақырым қашықтықта орналасқан.

Еске сала кетсек, ақпан айының басында Камчаткадағы осы жанартау 6 шақырым биіктікке дейін күл атқылағанын жаздық.