Канадада туристерге ұлттық парктерге тегін кіру мүмкіндігі ашылады

2026 жылдың жазында Канада бойынша саяхаттау айтарлықтай арзандауы мүмкін. Туристер ондаған табиғи және тарихи нысандарға тегін бара алады. Tengri Travel басылымы нені үнемдеуге болатынын және не үшін бәрібір төлеу қажет екенін айтып береді.

2026 жылдың жазында Канада бойынша саяхаттау айтарлықтай арзандауы мүмкін. Туристер ондаған табиғи және тарихи нысандарға тегін бара алады. Tengri Travel басылымы нені үнемдеуге болатынын және не үшін бәрібір төлеу қажет екенін айтып береді.

Бағдарлама қашан күшіне енеді?

Канадада Canada Strong Pass бағдарламасы іске қосылады. Ол 2026 жылдың 19 маусымы мен 7 қыркүйегі аралығында (қоса алғанда) жарамды болады. Бұл кезеңде Parks Canada басқаратын саябақтар мен нысандарға ғана тегін кіруге болады. Бағдарлама провинциялық және жекеменшік саябақтарға, сондай-ақ басқа да бірқатар аумаққа қолданылмайды. Олар бұрынғы тарифтері бойынша жұмысын жалғастырады.

Не тегін болады?

Бағдарлама кезеңінде келушілерге мыналар үшін ақы төлеудің қажеті жоқ:

Parks Canada басқаратын ұлттық саябақтарға, тарихи нысандарға және теңіздегі қорғалатын аумақтарға кіру; тарихи су жолдарындағы шлюзді арналар арқылы өту.

Сондай-ақ арнайы рұқсаттамалар мен билеттерді алдын ала рәсімдеудің қажеті жоқ екені нақтыланды. Туристер саябақтарға жұмыс уақытында келе берсе болады.

Бәрібір не үшін ақы төлеу керек?

Кіру тегін болғанымен, кейбір қызметтер ақылы болып қала береді. Тізімге мыналар кіреді:

кемпинг және тұру; орындарды брондау; ыстық бұлақтар (мысалы, Banff Upper Hot Springs); тұрақ (парковка); экскурсиялар мен қосымша бағдарламалар; үшінші тарап компанияларының қызметтері; балық аулауға арналған лицензиялар мен кейбір рұқсат қағаздары.

Тізім нақты бір саябаққа байланысты өзгеше болуы мүмкін.

Қону мен кемпингке берілетін жеңілдіктер

Тегін кіруден бөлек, бағдарламада тағы бір жеңілдік - кемпинг пен қоныстануға 25 пайыздық жеңілдік қарастырылған.

Жеңілдік келесілерге қолданылады:

шатырлы және автокемпингтер; жабайы табиғаттағы кемпингтер (backcountry); жабдықталған тұру орындары (үйшіктер, киіз үйлер, типи және басқа да форматтар).

Бұл ретте тұрақ, отын және үшінші тарап компанияларының қызметтері жеңілдікке кірмейді.

Жеңілдіктердің өзара қосылмайтыны атап өтілді. Егер нақты бір баспанаға басқа акция жүріп жатса, жүйе автоматты түрде турист үшін тиімді нұсқаны таңдайды.

Солтүстік аумақтар және қосымша шарттар

Кіру ақысы онсыз да жиі алынбайтын солтүстік аумақтарда өз ережелері қолданылады. Canada Strong Pass күшінде болған кезеңде кейбір жерлерде:

backcountry-ге бару үшін күндізгі алымдар жойылуы мүмкін; жабайы табиғатта қонуға 25 пайыздық жеңілдік беруі мүмкін. Туристер нені ескеруі керек?

Канадада туристер ағыны көп болады деп күтіледі. Сондықтан туристерге тұрғын үй мен кемпингті алдын ала брондау ұсынылады. Сондай-ақ саяхатшылар әртүрлі саябақтардағы шарттардың өзгеше болуы мүмкін екенін ескеруі тиіс, сондықтан сапарға шықпас бұрын нақты орынның ережелерін тексеру қажет.

Google News арқылы жаңалықтарымызды қадағалаңыз

Жазылу