Кәсіподаққа екі мыңнан астам адам жүгінген

Жыл басынан бері Кәсіподақтар федерациясының орталық және оның аймақтардағы филиалдарына екі мыңнан астам адам жүгінген. Шағымдардың тең жартысы «жұмыстан заңсыз шығару» фактісі бойынша, ал 600-ге жуығы жалақы мәселесіне қатысты болған. 350-ден астам азамат еңбек шартының бұзылуына байланысты кәсіподақтан көмек сұраған. 

Әсел Молдағалиева, ҚР Кәсіподақтар федерациясының бас сарапшысы:

- Жалақы шоттарының бұғатталуы, ипотекалық және несие қарыздары секілді дау-дамайлар. Әрине, айта берсең қарапайым жұмысшыларда мәселе көп. Өкінішке қарай, жосықсыз компаниялар мен ар-ұяттан безген, заңсыздықққа жол беріп отырғандар аз емес. Осы тұста біз өз мәселесін арқалаған әрбір азаматтың еңбек құқығы мен жеке мүддесін қорғауға жәрдемдесеміз. Әсіресе заң тұрғысынан кеңес беріп, әрбір процесті назарда ұстаймыз. 

Сондай-ақ азаматтардың түрлі органдарға арыз-шағымын іске асыруға көмектесеміз. Ол үшін ешқандай ақы алмаймыз — барлығы тегін.