Каспий футбол клубы Премьер лигада

«Каспий» футболшылары Премьер-лигада. Теңбіл доп шеберлерінің спорт маусымын сәтті аяқтауына орай Ақтауда салтанатты шара өтті. Аймақ әкімі Нұрдәулет Қилыбай футболшылар мен жаттықтырушылар құрамының, клуб басшылығының биыл қол жеткізген жетістіктері үшін алғысын білдіріп, сый-құрмет көрсетті.

«Каспий» футболшыларының жетістігі Маңғыстау спорты тарихындағы маңызды оқиға, - деп бағалады облыс әкімі. «Бір маусымда қыздар құрамасының жақсы ойын көрсетуі, «Каспий-Жастар» командасының үздік ойыны және негізгі құрамның 31 жыл үзілістен кейін Премьер-лигаға қайта оралуы баршамызға зор мақтаныш» - деді Нұрдәулет Қилыбай.

 Нұрдәулет Қилыбай, облыс әкімі:

- Сол бюджет, сол тәртіп, сол талап. Бірақ дисциплина бар жерде, тәртіп бар жерде нәтиже көрсетуге болатынын өздеріңіз дәлелдедіңіздер. Премьер-лигада бірінші орын алған кезде мынадай залдың ішіне емес, стадионға жинау керек болады. Көрдіңіз бе, адам сыймай жатыр. Ылайым, сол күнге жеткізсін. Біздер сіздің қасыңызда әрқашанда боламыз.

 Биылғы маусымда «Каспий» клубы елдің бірінші лигасында жеңіске жетіп, Премьер-лигаға мерзімінен бұрын жолдама алды. Шешуші сәтте ақтаулық футболшылар қарағандылық «Шахтермен» ойнады. Матч 3:2 есебімен аяқталып, алаң иелері 65 ұпаймен көш бастады. «Ертіс» командасы 58 ұпаймен екінші орын алса, 50 ұпай жиған «Шахтер» үшінші орынға шықты.

 Руслан Эсатов, "Каспий" ФК қыздар құрамасының бас бапкері:

- Жетістігімізді аймақ әкімдігі мен клубтың спорт инфрақұрылымын дамыту және жас таланттарды қолдауға бағытталған көпжылдық жүйелі жұмысының нәтижесі деп білеміз. Сенімді ақтауға тырысамыз.

 Нұрлан Өрбісінов, "Каспий" ФК қыздар құрамасының бапкері:

- «Тараз» командасының тарихы тереңге кетке команда болғандықтан сәл де болса тәжірибемен алып кетті. Дайындықты бастап кеттік қазірден бастап. Келесі жылы чемпион болуға. Бірінші не екінші орынды алуға бұйырса жұмыстанамыз.

йта кетсек, клубтың 2009-2010 жылы туған спортшы қыздары «Zhuldyz League b Division» чемпионатында үшінші орын иеленді. Сондай-ақ, осы жылы құрылған «Каспий-Жастар» командасы Батыс конференциясының вице-чемпионы атанды.

 Авторлары: Талғат Исламұлы, Саламат Бекбаев