Көші қонды есепке алудың бірыңғай цифрлық жүйесі енгізіледі

АСТАНА, 19 желтоқсан - Sputnik. Еңбек министрлігі 2030 жылға дейінгі көші-қон саясаты тұжырымдамасының жобасын әзірледі.

Құжаттың негізгі мақсаты – мигранттарды сапалы іріктеуге, көші-қон ағындарының тепе-теңдігіне және адами капиталды дамытуға негізделген қауіпсіз және басқарылатын көші-қон жүйесін құру.

Қазіргі уақытта тұжырымдама үкіметте қаралып жатыр.

Тұжырымдама мынадай негізгі бағыттарды қамтиды:

Migration.enbek.kz платформасы негізінде көші-қон мониторингінің бірыңғай цифрлық жүйесін құру арқылы көші-қон ағындарын тіркеу жүйесін жетілдіру.

еңбек көші-қонын ынталандыру және реттеу өңірлік диспропорцияны азайтуға, кәсіпкерлік белсенділікті дамытуға, жұмыспен қамтуды арттыруға, оның ішінде қандастар мен мигранттар арасында, әлеуметтік тұрақтылық пен адами капиталды нығайту үшін жағдай жасауға мүмкіндік береді.

шетелде жұмыс істейтін Қазақстан азаматтарының құқықтарын қорғауға, білікті мамандарды тартуға, халықаралық ынтымақтастықты дамытуға және этникалық қазақтарды қолдауға бағытталған сыртқы көші-қонды басқару тетіктерін жетілдіру.

"Бұдан басқа, тұжырымдамада тарихи отанына оралған қандастарды қолдау шаралары қарастырылған. Оларды интеграциялау үшін, бірыңғай стандарт әзірленеді. Қоныстандыру бойынша өңірлік бағдарламалар іске асырылады. Сондай-ақ "Ата жолы" картасы жетілдірілетін болады", - дейді еңбек және халықты әлеуметтік қорғау министрлігі.

Ұлттық статистика бюросының мәліметінше, 2025 жылдың қаңтар-қыркүйек айларында Қазақстанға 16 мыңнан астам адам келіп, 5 975 адам кеткен. Негізгі көші-қон алмасу ТМД елдерімен жүреді.