Красноярсктің аэроқайықтары мен дрондарға арналған винттері Қазақстан нарығына шығады

АСТАНА, 12 желтоқсан – Sputnik. Ресейдің Красноярск өлкесіндегі екі жоғары технологиялық кәсіпорын 2026 жылы Қазақстан Республикасының нарығына өз өнімдерін шығаруды жоспарлап отырғанын жариялады.

© Photo : "Аэролодки Аллигатор" ЖШҚ"Аэролодки Аллигатор" компаниясы әртүрлі тапсырмаларды орындауға арналған 700-ден астам аэроқайық шығарды

"Аэролодки Аллигатор" компаниясы әртүрлі тапсырмаларды орындауға арналған 700-ден астам аэроқайық шығарды

© Photo : "Аэролодки Аллигатор" ЖШҚ

2010 жылдан бастап ресейлік "Аэролодки Аллигатор" компаниясы аэроқайықтар – жол жоқ жерде де жүре алатын сенімді көлік түрін әзірлеп, шығарып келеді. Мұндай қайықтар экспедицияларда, құтқару операцияларында, экотуризмде, аңшылықта және балық шаруашылығында кеңінен қолданылады. Аэроқайықтардың басты артықшылықтарының бірі – жолы қиын аймақтарда, тіпті -50°С-тан +40°С-қа дейінгі температура кезіндегі экстремалды ауа райы жағдайында да пайдалануға болады.

"Мен өзім аңшы әрі балықшымын, сондықтан мұзда, қабыршақ мұзда және таяз суда қайықтың қандай болуы керек екенін жақсы білемін. Alligator осылай пайда болды – аэроқайықты алдымен өзім үшін жасадым. Біздің аэроқайықтар жеңіл, жанармайды үнемдейді, сонымен қатар бір жарым тоннаға дейін жүкті қозғалыс жылдамдығын жоғалтпай тасып, сағатына 140 шақырым жылдамдыққа жете алады. Мұндай аэроқайық катерді, қар кешкішті және жол талғамайтын көлікті алмастыра алады", – дейді компанияның негізін қалаушы Александр Крантов.

Красноярскідегі "Аэролодки Аллигатор" зауытында ауа жастығындағы қайықтар нөлден бастап өндіріледі: аэроқайық тұратын ПВХ баллондарын желімдеуден бастап, қозғалтқыш тұратын шанақ бөлшектеріне дейін жасалады. 15 жыл ішінде компания аңшылық, балықшылық, туристік экспедициялардан бастап патрульдік және экологиялық жұмыстар, тіпті минуттар есептелетін ТЖМ-нің құтқару операцияларына дейін – әртүрлі тапсырмаларды орындауға арналған 700-ден астам аэроқайық шығарды. Өнім сапасы мен функционалдық сипаттамалары Ресейде ғана емес, шетелде де мойындалған: Alligator қайықтары Беларусь Республикасының Брест және Гродно облыстарындағы суда құтқару қызметінде қолданыла бастады.

© Photo : "Аэролодки Аллигатор" ЖШҚ"Аэролодки Аллигатор" компаниясы әртүрлі тапсырмаларды орындауға арналған 700-ден астам аэроқайық шығарды

"Аэролодки Аллигатор" компаниясы әртүрлі тапсырмаларды орындауға арналған 700-ден астам аэроқайық шығарды

© Photo : "Аэролодки Аллигатор" ЖШҚ

"Өндіріс жылдары аэроқайықтарды пайдалануда бай тәжірибе жинадық – біздің қайықтар қатал Сібір тайгасында да, Финляндияда да, Моңғолияда да тиімділігін көрсетті. Енді келесі қадам ретінде Қазақстан нарығына шығуды көздеп отырмыз. Сондықтан 2026 жылдың сәуірінде Алматыда өтетін KIOF халықаралық аңшылық, балық аулау және белсенді демалыс көрмесінде өз техникамызды таныстырамыз", – дейді Александр Крантов.

Қазақстан Республикасының нарығына шығуды жоспарлап отырған тағы бір компания – "КомозитТехноМастер" ЖШҚ (Красноярск қ.), аэроқайықтарға, дрондарға және парамоторларға арналған жоғары дәлдікті композиттік винттердің өндірушісі. Кәсіпорын жобалау, композиттік қалыптау, дәлдігі 0,1 г дейін жететін цифрлық теңгерімдеуді қоса алғанда, толық өндірістік циклді жүзеге асырады. Компания өнімдері экстремалды климатқа шыдамды, қызмет ресурсы 1500 мотосағатқа дейін жетеді және нақты қозғалтқышқа жеке бейімдеу мүмкіндігі бар.

© Photo : "КомозитТехноМастер" ЖШҚ"КомозитТехноМастер" ЖШҚ аэроқайықтарға, дрондарға және парамоторларға арналған винттер өндіреді

"КомозитТехноМастер" ЖШҚ аэроқайықтарға, дрондарға және парамоторларға арналған винттер өндіреді

© Photo : "КомозитТехноМастер" ЖШҚ

"КомозитТехноМастер" қызметінің маңызды бағыттарының бірі – оқу бағдарламаларына арналған шешімдер: инженерлік дайындықта студенттер мен жас мамандар пайдаланатын оқу және зерттеу ұшқышсыз ұшу аппараттарына арналған винттер өндіреді. Бұл оқу орталықтары мен жоғары оқу орындарына отандық компоненттер негізінде дрондар технологиялары саласында өздерінің жеке жобаларын жасауға мүмкіндік береді.

"Көп жағдайда дайын ұшқышсыз ұшу аппараттарының қымбаттығы оларды оқу процесінде кеңінен қолдануға кедергі келтіреді – мұндай дрондар көбіне "көрме үлгісінде" тұрып, оқушылар мен студенттерге берілмейді. Ал біздің бөлшектер негізінде студенттер өздерінің ұшқышсыз ұшу аппараттарын құрастырып, дрондармен жұмыс істеу дағдыларын нақты дамытуға мүмкіндік алады", – деп атап өтті "КомозитТехноМастер" ЖШҚ өндіріс жөніндегі директоры Дмитрий Журов.

Студенттерге тәжірибелік дайындық үшін дрондардың қолжетімді болуы Қазақстан Республикасының 2025–2031 жылдарға арналған азаматтық пилотсыз авиацияны дамыту тұжырымдамасында ерекше маңызға ие. Құжатқа сәйкес, елдегі колледждер мен университеттердің 80%-ы оқу бағдарламаларына пилотсыз авиация негіздерін енгізуге тиіс.

Екі красноярлық компания да Қазақстанды көлік, инженерлік білім беру және қолданбалы зерттеулер саласындағы бірлескен жобалар үшін перспективалы алаң ретінде көріп отыр және келесі жылы өз өнімдерін қазақстандық аудиторияға ұсынуға ниетті.

Материал коммерциялық негізде жарияланды