Кубада дүлей дауыл соқты

«Мелисса» дауылы Кубаға жетті. Елдің шығыс аймақтарынан 735 мың адам эвакуацияланды. Жарты млн тұрғын жарықсыз қалды. Дауыл ауруханаларға, тұрғын үйлер мен жолдарға елеулі зиян келтірді. Қазір елде құтқару және қалпына келтіру жұмыстары жүргізіліп жатыр.

Айта кетейік, табиғи апат бірнеше күн бұрын Ямайкаға да соққы беріп, ел тарихындағы ең жойқын дауыл ретінде тіркелген еді. Ол кезде желдің жылдамдығы сағатына 195 шақырымға дейін жеткен.