Маған ешқандай марапат жоқ : Мөлдір Әуелбекова ренішін білдірді

Әнші Мөлдір Әуелбекова әлеуметтік желідегі парақшасында жазба жариялады, – деп жазды Aikyn.kz.

Әнші Республика күніне орай атақ алған әріптестерін құттықтады. Алайда өзі марапатсыз қалғанын жасырмады.

"Барша өнер майталмандарын марапаттарымен құттықтаймын! Әсіресе, өзімнің апайларымды! Әбден лайықтысыздар! Маған ешқандай марапат жоқ. Сол үшін, әкемнен әдемі гүл шоқтары! Рақмет, әке! Ал ең керемет марапат Сіздердің қолдауларыңыз", - деп жазды әнші. 

Желі қолданушылары әншіге қолдау білдірді.

"Сіз ең биік марапатқа лайықсыз", "Сіз “Халық әртісін" бір-ақ аласыз әлі", "Әлі ерте, жассың. Қыз Жібек әпкеміздің өзі "Халық әртісін" енді алыпты", деп жазды желі қолданушылары. 

Сараптама, зерттеу мақала, күнделікті өзекті ақпаратты «Айқынның» TELEGRAM  арнасынан табасыз.