Майами турниріндегі сенсация: Александр Шевченко әлемнің 9 ракеткасын жеңді

Қазақстандық теннисші екінші айналымда әлемнің 9-ракеткасы, америкалық Бен Шелтонға қарсы келді.

Бірінші партияда тай-брейкте америкалық теннисші сәтті ойнады — 7:6 (7:3).

Есесіне екіншісінде Шевченко дәл сондай есеппен қарымта қайырды — 7:6 (7:3). Сосын үшінші, шешуші сетте жеңісті жұлып алды — 6:3.

Екі сағат 25 минутқа созылған тартысты бәсекеде Шевченко 11 эйспен бірге 2 брейк-пойнттың біреуін құр жібермеді. Шелтон 17 эйс жасап, 5 брейк-пойнтты пайдалана алмады.

Александр Шевченко төртінші айналымға шығу үшін әлемнің 34-ракеткасы, франциялық Уго Умбермен таласады.

Майами мастерс турнирінің жалпы жүлде қоры 9,4 млн АҚШ долларына бағаланған. Өткен жылы мұнда финалда сербиялық Новак Джоковичті ұтқан чехиялық Якуб Меншик үздік шықты.

Еске сала кетейік, бұдан бұрын Александр Шевченконың Майами мастерс турнирінің екінші айналымына шыққанын жазған болатынбыз.

Сондай-ақ Майами мастерс турнирінде Путинцеваны жеңген Рыбакина үшінші айналымға өтті. 
Әмір Омарханов Тунистегі турнирдің қатарынан екінші рет финалына шықты.