Мас күйде көлік жүргізген әйел жалған жүктілік анықтамасымен жазадан құтылмақ болған

Анықталғандай, көлік құралын басқару құқығы жоқ әйел адам алкогольдік масаң күйде жол-көлік оқиғасын жасаған. Әкімшілік істі қарау барысында сотқа оның жүкті екендігі туралы анықтама ұсынылып, соның негізінде әкімшілік қамақ жазасы айыппұлмен ауыстырылған.

Прокурорлар жүргізген тексеру барысында аталған медициналық құжаттың жалған екені анықталды.

Арыста мас жүргізуші жүкті әйел мен екі баланы қағып өлтірді

Прокурорлардың уақтылы әрі жедел жұмысының нәтижесінде сыбайлас жемқорлық қылмысы әшкереленіп, алкогольдік масаң күйде әкімшілік құқық бұзушылық жасағаны үшін заңда көзделген жауаптылықтан жалтарған адамның жалған құжат пайдаланғаны дәлелденді.

Сот полиция қызметкерін пара алғаны және әкімшілік іс бойынша дәлелдемелерді бұрмалағаны үшін кінәлі деп танып, оған 6,6 млн теңге мөлшерінде айыппұл салу, сондай-ақ мемлекеттік қызметте және өзге де лауазымдарда қызмет атқару құқығынан өмір бойына айыру түріндегі жаза тағайындады.

Данияр Елеусінов 7 жыл көлік жүргізу құқығынан айрылып, 20 тәулікке қамалды

Сотталған адам арнайы атағынан айырылды, ал пара ретінде алынған ақша мемлекет кірісіне тәркіленді.

Сонымен қатар, сот Павлодар облысы прокуратурасы қызметкерлерінің кәсіби тәжірибесін оң бағалап, бұл жөнінде жеке қаулы шығарды.

Сот үкімі заңды күшіне енген жоқ.