Министрлік тегін жасалатын ең қымбат операциялардың тізімін жариялады

АСТАНА, 8 қаңтар – Sputnik. Денсаулық сақтау министрлігі тегін жасалатын ең қымбат операциялардың тізімін жариялады, деп хабарлайды Sputnik Қазақстан.

Бүгінде көмекші жүрек жүйесін имплантаттау ең қымбат жоғары технологиялық операция болып отыр. Оның құны - 79 млн теңге. Бірақ пациенттерге тегін жасалады.

"2025 жылдың 11 айында мұндай жүйелер 59 пациентке орнатылды, олардың көпшілігі үшін операция өмір сүрудің жалғыз мүмкіндігі болды", - дейді дәрігерлер.

Ал екінші орында - аллогенді гемопоэтикалық дің жасушаларын трансплантаттау отасы. Оның бағасы - 17,4 млн теңге. Былтыр барлығы 117 операция жасалған болатын.

Былтыр жиі жасалған басқа да жоғары технологиялық операциялар:

автоматты кардиовертер-дефибрилляторды имплантаттау (1 963 операция);

бас және мойын тамырларының эндоваскулярлық эмболизациясы және окклюзиясы (1 463 операция);

ұрықтың дің жасушаларын трансплантаттау (1 384 операция).

Бүгінде Қазақстанда 82 жоғары технологиялық медициналық технология қолжетімді. Олар педиатрия, нейрохирургия, онкология, кардиохирургия, травматология, урология, акушерлік және гинекология, сондай-ақ трансплантология сияқты негізгі клиникалық бағыттар бойынша көрсетіледі.