Мобильді аударымдар: қашан салыққа ілігеді?

Мемлекеттік кірістер департаменті (МКД) азаматтардың мобильді аударымдарына қатысты түсіндірме берді.
Әлеуметтік желілерде тараған «кез келген картаға түскен ақшаға салық салынады» деген пікір шындыққа сәйкес келмейді, деп хабарлайды Lada.kz.

Банктер деректерді салық органдарына тек екі шарт орындалғанда береді:

үш ай қатарынан жеке шотқа 100 және одан көп адамнан ақша түсуі; жалпы түсім көлемі 12 ең төменгі (минималды) жалақы мөлшерінен (МЖМ) асуы.

2026 жылы Қазақстанда ең төменгі жалақы мөлшері (МЖМ) 85 000 теңге болып бекітілген. Демек, лимит – 1 020 000 теңге.

Қайсысы табыс болып саналады?

Салық тек кәсіпкерлік қызметтен түскен табысқа салынады (тауар мен қызмет үшін төлемдер). Ал мынадай аударымдар табысқа жатпайды:

туыстар арасындағы ақша аударымдары; туған күн, үйлену тойы сияқты жеке мерекелерге арналған сыйлықтар; мектеп пен балабақшаға ақша жинау. Егер хабарлама келсе Хабарлама E-gov немесе жеке кабинетке түседі. 30 жұмыс күні ішінде жауап беру қажет: келіссеңіз – декларация тапсырып, салық төлейсіз; келіспесеңіз – электронды түсіндірме жіберіп, құжаттар қоса аласыз. Айыппұлдар Тіркелмей кәсіпкерлікпен айналысқандарға – 15 АЕК, қайталанса – 30 АЕК айыппұл. БКМ (бақылау‑кассалық машина) қолданбаған жағдайда – 15 АЕК-ке дейін айыппұл қарастырылған.