​Нетаньяху: Израиль Газаның 60% ын бақылауда ұстап отыр

28 мамырда Израиль премьер-министрі Биньямин Нетаньяху елдің қазіргі уақытта Газаның шамамен 60% аумағын бақылауда ұстап отырғанын мәлімдеп, бұл көрсеткішті 70%-ға дейін арттыруға тапсырма бергенін айтты. Бұл туралы АА хабарлады.

Палестиналық дереккөздер соңғы айларда Израиль әскері шекара сызығын тағы 8–9% батысқа қарай жылжытқанын, соның салдарынан палестиналықтарға қолжетімді аумақ шамамен 38%-ға дейін қысқарғанын жеткізді. Бұл жағдай гуманитарлық дағдарысты одан әрі ушықтырды.

ХАМАС өкілі Басем Наим Израильдің әрекеті бұрынғы келісімдерге қайшы екенін атап өтті.

Еске сала кетсек, 2023 жылдың қазанында Израиль Газада әскери операция бастаған. 

Палестина деректері бойынша, содан бері 72 мыңнан астам адам қаза тауып, 172 мыңнан астамы жарақат алған, олардың басым бөлігі – әйелдер мен балалар.

Бүгін, 11:34