Нью Йорк әуежайында жолаушылар ұшағы өрт сөндіру көлігіне соқтығысты

Оқиға жергілікті уақыт бойынша шамамен 23:40-та болды. The New York Post газетінің хабарлауынша, кем дегенде екі өрт сөндіруші ауыр жарақат алды.

Ұшақта шамамен 100 жолаушы болған. Оларды эвакуациялады, жолаушылар арасында зардап шеккендер бар-жоғы әзірге белгісіз.

Оқиға орнынан түскен суреттерде ұшақтың алдыңғы бөлігі қатты зақымданғаны көрінеді. Соқтығысу ұшу-қону жолағында қатты жаңбыр жауып, көріну нашар болған кезде болды.

Қазір Ла-Гуардия әуежайы жабық, келетін рейстер басқа әуежайларға бағытталды. Әуежай тек жергілікті уақыт бойынша 18:00-де қайта ашылуы мүмкін деп хабарланды.

Бұдан бұрын Парсы шығанағында Қатар әскери тікұшағы апатқа ұшырап, жеті адам қаза тапқанын жазған болатынбыз.